پہلوان راہل اوارے بھی کورونا وائرس کی زد میں

عالمی چیمپیئن شپ میں کانسے کا تمغہ جیتنے والے پہلوان راہل اوارے کورونا وائرس پازیٹیو پائے گئے ہیں۔

دیپک پونیا، نوین اور کرشنا کے بعد اب ارجن ایوارڈ یافتہ پہلوان راہل اوارے کا بھی کورونا ٹیسٹ مثبت آیا ہے۔

اسپورٹس ڈے کے موقع پر ورچوئل پروگرام کے ذریعہ راہل اوارے کو ارجن ایوارڈ سے نوازا گیا تھا۔

مرد پہلوانوں کے کیمپ کا آغاز یکم ستمبر سے ہریانہ کے سونی پت میں ہوا تھا اور یہ چار پہلوان اسی کیمپ کا حصہ تھے۔ کیمپ پر پہنچنے والے پہلوانوں اور معاون عملے کا کورونا پروٹوکول کے مطابق ٹیسٹ کرایا گیا۔ راہل نے کیمپ پہنچنے کے بعد کورونا ٹیسٹ بھی کرایا تھا اور ان کا نتیجہ مثبت آیا تھا۔