سنگیتا فوگاٹ کا شمار ملک کی بہترین خاتون پہلوانوں میں ہوتا ہے اور وہ 59 گلوگرام زمرے میں قومی چیمپیئن رہ چکی ہیں۔
دونوں پہلوانوں کے رشتے کو ان کے گھر والوں نے بھی منظوری دے دی ہے اور اطلاعات کے مطابق سنہ 2020 میں ہونے والے ٹوکیو اولمپک کے بعد دونوں رشتہ ازدواج سے منسلک ہو سکتے ہیں۔
اس بات کی تصدیق سنگیتا کے والد اور ارجن ایوارڈ یافتہ مہاویر فوگاٹ نے کی ہے۔
واضح رہے کہ سنگیتا کی بڑی بہن ببیتا فوگاٹ کا رشتہ بھی پہلوان ویویک سہاگ سے طئے ہوچکا ہے۔
بجرنگ فی الحال ٹوکیو اولمپک کی تیاریوں میں مصروف ہیں تو دوسری جانب سنگیتا فوگاٹ نیشنل کیمپ میں چوٹ سے ابھر رہی ہیں۔
تفصیلات کے مطابق یہ جوڑی گزشتہ تین برسوں سےساتھ ہے، پھوگاٹ بہنیں سنہ 2017میں ہونے والے دولت مشترکہ کھیلوں میں ایک ساتھ میٹ پر اتریں تھیں۔
اس دوران مہاویر فوگاٹ نے سنگیتا اور بجرنگ کے رشتے کی تصدیق کرتے ہوئے کہا کہ دونوں خاندانوں کے درمیان بہتر رشتے ہیں اور میں بچوں کے لیے خوش ہوں اور ان کے جذبات کی قدر کرتا ہوں۔
انہوں نے کہا کہ میں نے ان سے ہمیشہ کہا ہے کہ وہ اپنا شریک حیات خود منتخب کریں اور اب ان کی شادی سے متعلق فیصلہ ٹوکیو اولمپک کے بعد کیا جائےگا۔