نئی دہلی: دہلی کے جنتر منتر پر احتجاج کرنے والے پہلوانوں کی حمایت میں پہنچے کانگریس کے سینئر لیڈر نوجوت سدھو نے سوال کیا کہ ریسلنگ فیڈریشن آف انڈیا (ڈبلیو ایف آئی) کے صدر برج بھوشن شرن سنگھ کے خلاف مقدمہ درج ہونے کے باوجود انہیں گرفتار کیوں نہیں کیا گیا۔ اس کے خلاف غیر ضمانتی POCSO ایکٹ کے تحت مقدمہ درج کیا گیا ہے۔ ساتھ ہی سدھو نے بی جے پی رکن پارلیمنان کو حراست میں لے کر تحقیقات کا مطالبہ کیا۔ سپریم کورٹ کی مداخلت کے بعد برج بھوسنگھ کے خلاف دو ایف آئی آر درج کی گئی ہیں۔
انہوں نے احتجاج کررہے پہلوانوں سے ملاقات کے بعد میڈیا سے کہاکہ' یہ یہ جاننا کہ کیا صحیح ہے اور نہ کرنا سب سے بڑی بزدلی ہے۔ ایف آئی آر میں تاخیر کیوں ہوئی؟ ایف آئی آر کا انکشاف نہ کرنا یہ ظاہر کرتا ہے کہ یہ ہلکی ہے اور شکایت کنندہ کی شکایت کی تصدیق نہیں کرتی۔ سدھو نے برج بھوشن شرن سنگھ کو بچانے پر بھی سوال اٹھایا۔ سدھوں نے کہاکہ نیت مشکوک ہے اور مقصد ملزم کو تحفظ فراہم کرنا ہے۔ کن چیزوں کو چھپایا جا رہا ہے؟ ایف آئی آر میں تاخیر کرنے والے افسر کے خلاف آئی پی سی کی دفعہ 166 کے تحت کارروائی کیوں نہیں کی جا رہی ہے؟ برج بھوشن شرن سنگھ کے خلاف پہلی ایف آئی آر ایک نابالغ کی طرف سے لگائے گئے الزام سے متعلق ہے، جو جنسی جرائم سے بچوں کے تحفظ (POCSO) ایکٹ کے تحت درج کیا گیا ہے۔ دوسری ایف آئی آر جنسی ہراسانی سے متعلق آئی پی سی کی متعلقہ دفعات کے تحت درج کی گئی ہے۔