والی بال کلب ورلڈ چمپئن شپ منسوخ

اس سال ہونے والی والی بال کلب ورلڈ چمپئن شپ عالمی وبائی مرض کورونا وائرس کے پھیلنے کے باعث منسوخ کردی گئی ہے۔ انٹرنیشنل والی بال فیڈریشن (ایف آئی وی بی) نے یہ معلومات دی ہیں۔

ایف آئی وی بی نے ایک بیان جاری کیا جس میں کہا گیا ہے کہ ایف آئی وی بی عالمی والی بال کے متعلقین کی صحت اور تندرستی کو یقینی بنانے کے لیے پرعزم ہے۔

فیڈریشن نے کہا کہ عالمی وبا کورونا وائرس پھیلنے کی وجہ سے سفری پابندیوں اور مداحوں کی عدم موجودگی پر غور کرتے ہوئے فیڈریشن نے اس سال کے سیزن کا انعقاد نہ کرنے کا فیصلہ کیا ہے۔

ایف آئی وی بی نے کہا کہ فیڈریشن اس سال اکتوبر کے آخر تک 2021 چمپئن شپ کے لیے بولی لگانے کے لیے ایک دعوت نامہ جاری کرے گی۔