اس سال 24 جولائی سے نو اگست تک ہونے والے اولمپکس کے لئے دنیا بھر کے بہت سے کھلاڑی کوالیفائی کر چکے تھے لیکن کورونا وائرس کی وجہ سے یہ حال ہی میں 2021 تک کے لئے ملتوی کرنے کا فیصلہ کیا گیا تھا۔
کوالیفائیرکھلاڑی اولمپکس میں حصہ لے سکتے ہیں اولمپکس میں قریب 11000 کھلاڑیوں کو حصہ لینا ہے جس سے 57 فیصد کھلاڑی اس کے لئے کوالیفائی کر چکے ہیں۔
بین الاقوامی اولمپک کمیٹی (آئی او سی) نے 32 دیگر بین الاقوامی کھیل فیڈریشنوں کے ساتھ جمعرات کو ٹیلی کانفرنس کے ذریعے اجلاس کی جس میں كواليفکیشن پر بھی بات کی گئی۔
میٹنگ میں شامل ایک شریک نے کہاکہ آئی او سی کے صدر تھامس باک نے پہلے اولمپک کھیلوں کو ملتوی کرنے کی وجہ بتائی اور پھر کہا کہ جو کھلاڑی 2020 اولمپکس کے لئے کوالیفائی ہوئے تھے وہ 2021 میں حصہ لیں گے۔
لیکن اس میٹنگ میں سب سے بڑا سوال تھا کہ آگے کے كواليفکیشن کب اور کیسے منعقد کرائے جائیں گے۔ کئی کھلاڑی اولمپکس کے لئے کوالیفائی نہیں کر پائے تھے اور كواليفکیشن کرانے میں کم از کم تین ماہ کا وقت لگے گا۔
قابل ذکر ہے کہ ٹوکیو اولمپکس اس سال 24 جولائی سے نو اگست تک ہونا تھا لیکن کورونا کے خطرے کو دیکھتے ہوئے آئی او سی کے صدر باک اور جاپان کے وزیر اعظم شینزو آبے نے باہمی رضامندی سے اسے 2021 تک کے لئے ملتوی کرنے پر اتفاق ظاہر کیا۔
اگرچہ اسے 2021 میں کب منعقد کیا جائے گا اس پر ابھی کوئی فیصلہ نہیں ہوا ہے۔ باک نے اس پر منگل کو کہا تھا کہ اولمپکس کے لیے کھلاڑیوں کی صحت کو دیکھتے ہوئے موسم گرما کے بعد نہیں کرایا جائے گا۔
میٹنگ میں شامل ایک اور شریک نے کہا کہ باک نے بتایا ہے کہ 2021 میں اولمپک کھیلوں کے پروگرام اگلے چار ہفتوں کے اندر طےکر لئے جائیں گے۔ کچھ لوگوں نے اسے مئی میں تو کچھ نے جون 2021 میں کرانے کا مشورہ دیا تھا۔
