نیویارک:امریکہ کی سابق ٹینس کھلاڑی مارٹینا نوراتلووا نے کہا ہے کہ وہ کینسر سے صحتیاب ہوگئی ہیں۔ نوراتلووا نے میموریل سلون کیٹرنگ کینسر سینٹر میں ٹیسٹ کروانے کے بعد پیر کو ٹوئٹر پر اس خبر کا اعلان کیا۔ نوراتلووا نے ٹویٹ کیا، "سلون کیٹرنگ میں پورے دن کے ٹیسٹ کے بعد، میں (کینسر) ٹھیک ہوگئی ہوں۔ تمام ڈاکٹروں، نرسوں، پروٹون اور ریڈی ایشن کے جادوگروں وغیرہ کا شکریہ۔ یہ بہت اچھا ہے۔" جمہوریہ چیک میں پیدا ہونے والی 66 سالہ نوراتلووا نے جنوری میں انکشاف کیا تھا کہ انہیں گلے اور بریسٹ کینسر کی تشخیص ہوئی ہے۔ انہوں نے نومبر میں اپنی گردن میں ایک بڑی گانٹھ کو دیکھاتھا۔ جانچ کے بعد معلوم ہوا کہ یہ ابتدائی اسٹیج کا گلے کا کینسر ہے۔
نوراتلووا کو 2010 میںبریسٹ کینسر کی غیر جارحانہ شکل کی بھی تشخیص ہوئی تھی۔ چیک جمہوریہ میں پیدا ہونے والی ناوراتیلووا 1981 میں امریکی شہری بن گئی تھیں۔ وہ 2010 میں بھی بریسٹ کے کینسر کو شکست دے چکی ہیں۔ اس سے قبل جنوری میں انہوں نے بتایا تھا کہ کینسر پہلے اسٹیج میں ہے۔ نومبر کے شروع میں ڈبلیو ٹی اے فائنلز کے دوران پہلی بار کینسر کی تشخیص ہوئی تھی جب ان کی گردن میں سوجن کافی عرصے تک ٹھیک نہیں ہوئی۔ معائنے کے بعد نوراتیلووا کو گلے کے کینسر کی تشخیص ہوئی اور کچھ دیر بعد ڈاکٹروں نے انہیں بریسٹ کینسر کے بارے میں بھی آگاہ کیا۔