IND Vs SL T20: بھارت نے سری لنکا کو دی شکست، سیریز پر قبضہ

بھارت اور سری لنکا کے درمیان ٹی ٹوئنٹی سیریز کا تیسرا میچ آج ہماچل پردیش کرکٹ ایسوسی ایشن اسٹیڈیم دھرم شالہ میں کھیلا گیا۔ وہیں بھارت نے سری لنکا شکست دے کر 3-0 سے سیریز پر قبضہ کر لیا ہے۔

بھارت نے دھرم شالہ میں کھیلے گئے تیسرا ٹی ٹوئنٹی جیت کر سری لنکا کے خلاف سیریز میں کلین سویپ کر لی ہے۔ تینوں میچوں کی اس سیریز میں بھارت نے تینوں میچ جیت کر ایک ریکارڈ بنا لیا ہے۔ یہ ٹیم انڈیا کی لگاتار تیسری کلین سیوپ سیریز ہے۔جبکہ اتوار کو کھیلے گئے اس میچ میں جیت کے ساتھ ہی بھارت نے لگاتار 12 T20 میچ جیتی ہے۔

اس میچ میں سری لنکا نے بھارت کو 147 رنز کا ہدف دیا تھا جسے بھارت نے 4 وکٹوں کے نقصان پر پورا کر لیا۔ ٹیم انڈیا نے یہ ہدف صرف 16.5 اوور میں حاصل کر لیا۔ ایک بار پھر شریس ائیر جیت کے ہیرو نکلے۔ شریس نے لگاتار تیسری بار اپنی ففٹی جڑی اور اپنی ٹیم کو جیت دلائی۔