سونم ملک کا استقبال و انعامات

عالمی کیڈٹ کشتی مقابلہ میں طلائی تمغہ جیت کر ملک کا نام روشن کرنے والی خاتون پہلوان سونم ملک کو نقد انعام سے سرفراز کیا گیا۔

محض 16 برس کی عمر میں بھارت کیسری کا خطاب جیتنے والی خاتون پہلوان سونم مالک نے حال ہی میں بلغاریہ میں منعقد عالمی کیڈٹ کشتی مقابلہ میں طلائی تمغہ جیتا تھا۔

سونم ملک کا آج دہلی میں آل انڈیا کشتی فیڈریشن کے دفتر میں خیر مقدم کیا گیا جہاں انہیں 21000 روپے نقد اور ان کے کوچ اجمیر ملک کو 15000 روپے دے کر سرفراز کیا گیا۔

اس تقریب میں مہمان خصوصی کے طور آل انڈیا کشتی فیڈریشن کے نائب صدر پروین گوئل، کشتی فیڈریشن کے چیئرمین پرشانت روہتگی، ایڈوکیٹ سریندر كالی رمن، سنجیو جون، بجندر سندھو، سنجیو لاکر موجود تھے۔