Youth World Archery Championship پارتھ سالونکھے ریکرو میں بھارت کے پہلے یوتھ ورلڈ چیمپیئن بنے

پارتھ سالونکھے کوریا کے سونگ ان جون کے سخت چیلنج کو پار کرتے ہوئے ورلڈ آرچری چیمپیئن شپ میں ریکرو انڈر 21 مردوں کے سنگلز ٹائٹل جیتنے والے پہلے بھارتی بن گئے ہیں۔

لیمرک (آئرلینڈ): نوجوان تیر انداز پارتھ سالونکھے کوریا کے سونگ ان جون کے سخت چیلنج کو پار کرتے ہوئے ورلڈ آرچری چیمپیئن شپ میں ریکرو انڈر 21 مردوں کے سنگلز ٹائٹل جیتنے والے پہلے ہندوستانی بن گئے ہیں۔ پارتھ نے اتوار کو کھیلے گئے ریکرو فائنل میں جون کو 7-1 سے شکست دے کر ورلڈ چیمپئن کا تمغہ حاصل کیا۔ اس سے قبل انہوں نے دو بائی ملنے کے بعد جمہوریہ چیک کے رچرڈ کریزکی (7-1) اور ترکی کے مصطفیٰ اوزڈیمیر (6-5)، چینی تائپے کے یانگ کائی ہان (6-4) اور جرمنی کے ماتھیاس کریمر (6-4) کو شکست دی تھی۔

اپنے کوریائی حریف کے خلاف، پارتھ سالونکھے نے دو بار پیچھے رہنے کے بعد واپسی کی اور دو درست شاٹس لگاتے ہوئے پانچ راؤنڈ کا مقابلہ 26-26، 25-28، 28-26، 29-26، 28-26 سے جیت لیا۔دریں اثنا، بھجن کور نے چینی تائپے کی سو ہسن-یو کو 7-1 سے ہرا کرخواتین کا انڈر 21 ریکرو کانسے کا تمغہ جیتا۔ بھارتی تیر اندازوں نے چھ طلائی، ایک چاندی اور چار کانسے سمیت کل 11 تمغوں کے ساتھ ورلڈ یوتھ چمپئن شپ کا اختتام کیا۔ وہ کوریا کے بعد دوسرے نمبر پر رہا، جس نے چھ طلائی اور چار چاندی کے تمغے جیتے۔

یو این آئی