جوکووچ نے سنر کو شکست دے کر ساتویں بار اے ٹی پی فائنلز کا ٹائٹل اپنے نام کیا

جوکووچ نے سنر کو شکست دے کر ساتویں بار اے ٹی پی فائنلز کا ٹائٹل اپنے نام کیا.جوکووچ نے ایک گھنٹہ 43 منٹ تک جاری رہنے والے میچ میں مقامی کھلاڑی سنر کو 6-3، 6-3 سے شکست دی۔Novak Djokovic Wins ATP Title

ٹیورن:سربیا کے نوواک جوکووچ نے اپنی شاندار کارکردگی کو جاری رکھتے ہوئے اٹلی کے یانک سنر کو سیدھے سیٹوں میں شکست دے کر ریکارڈ ساتویں بار اے ٹی پی فائنلز ٹینس ٹورنامنٹ کا خطاب جیت لیا۔

اس کے ساتھ ہی عالمی نمبر ایک جوکووچ نے سیزن کے اختتامی چیمپئن شپ میں چھ کیرئیر ٹائٹل جیتنے کے راجر فیڈرر کے پچھلے ریکارڈ کو پیچھے چھوڑ دیا۔

جوکووچ نے ایک گھنٹہ 43 منٹ تک جاری رہنے والے میچ میں مقامی کھلاڑی سنر کو 6-3، 6-3 سے شکست دی۔

ٹائٹل جیتنے کے بعد جوکووچ نے کہاکہ ’’اس میں کوئی شک نہیں کہ یہ میری زندگی کا بہترین سیزن تھا۔ مقامی کھلاڑی یانک کے خلاف ٹائٹل جیتنا بہت اچھا تھا جس نے اس ہفتے شاندار کارکردگی کا مظاہرہ کیا۔

اے ٹی پی فائنلز میں کیریئر کے سب سے زیادہ ٹائٹل (1970 سے):

نوواک جوکووچ نے 2008، 2012، 2013، 2014، 2015، 2022 اور 2023 میں سات مرتبہ ٹائٹل جیتا ہے۔جبکہ راجر فیڈرر 2003، 2004، 2006، 2007، 2010 اور 2011 میں چھ بار ٹائٹل اپنے نام کر چکے ہیں۔پیٹ سمپراس 1991، 1994، 1996، 1997 اور 1999 میں پانچ بار ٹائٹل جیت چکے ہیں۔

یواین آئی