نیرج چوپڑا سمیت 11 کھلاڑیوں کو کھیل رتن، 35 کھلاڑی ارجن ایوارڈ سے سرفراز

ٹوکیو اولمپکس میں طلائی تمغہ جیت کر تاریخ رقم کرنے والے جیولن پھینکنے والے نیرج چوپڑا اور چاندی کا تمغہ جیتنے والے پہلوان روی دہیا، اولمپک تمغہ جیتنے والی باکسر لولینا بورگوہین، فٹ بال کپتان سنیل چھتری، خواتین کی کرکٹر میتھالی راج، ہاکی گول کپیر پی آر شری جیش سمیت مجموعی طور سے 11 کھلاڑیوں کو ملک کے اعلیٰ ترین کھیل اعزاز کھیل رتن سے نوازا گیا۔

وزارت کھیل نے ایک تقریب کے دوران قومی کھیل ایوارڈز کے فاتحین کو ٹرافیاں پیش کیں۔ 2020 کے ٹوکیو اولمپکس اور پیرا اولمپکس کے تمام فاتحین کو ٹرافیاں اور سند پیش کیے گئے۔ مرکزی وزیر کھیل انوراگ ٹھاکر نے کھلاڑیوں کو یہ اعزاز پیش کیا۔

نیرج چوپڑا سمیت 11 کھلاڑیوں کو کھیل رتن، 35 کھلاڑی ارجن ایوارڈ سے سرفراز

اس تقریب میں کھیل رتن کے علاوہ ارجن ایوارڈ، دروناآچاریہ ایوارڈ، میجر دھیان چند ایوارڈ، تین جنگ نورگوبہادری ایوارڈ ، نیشنل کھیل پروتشاہن ایوارڈ اور مولانا ابوالکلام آزاد ٹرافی پیش کی گئی۔

گزشتہ سال نیشنل اسپورٹس ایوارڈز کی تقریب کورونا کی وجہ سے ورچول منعقد ہوئی تھی۔ نیشنل اسپورٹس ایوارڈ ہر سال 29 اگست کو ہاکی کے جادوگر میجر دھیان چند کے یوم پیدائش کے موقع پر دیا جاتا ہے لیکن اس بار تقریباً 29 اگست کو اولمپکس اور پیرا اولمپکس کی وجہ سے ایوارڈ دینے میں تاخیر ہوئی۔

نیشنل اسپورٹس ایوارڈز کمیٹی نے 11 کھلاڑیوں کے نام تجویز کیے تھے، جن میں جیولین پھینکنے والے نیرج چوپڑا، جنہوں نے ٹوکیو اولمپکس میں ہندوستان کے لیے طلائی تمغہ جیتا تھا، سال 2021 کے میجر دھیان چند کھیل رتن ایوارڈ کے لیے تجویز کیا تھا۔

نیرج کے علاوہ ریسلر روی داہیا، اولمپک میڈلسٹ باکسر لولینا بورگوہین، فٹبالر سنیل چھتری، خاتون کرکٹر میتھالی راج، ہاکی کھلاڑی پی آر سریجیش سمیت کل 11 کھلاڑی اس فہرست میں شامل ہیں۔

یو این آئی