اپنا زمانہ آپ بناتے ہیں اہل دل
ہم وہ نہیں جن کو زمانہ بناگیا
علی گڑھ مسلم یونیورسٹی کے شعبہ فائن آرٹس کی طالبہ اریبہ خان محض 18 برس کی کم عمری میں اب تک چھ قومی اور چودہ عالمی شوٹنگ مقابلوں میں حصہ لے چکی ہیں۔
اریبہ خان حال ہی دوحہ میں منعقد ایشین شوٹنگ چیمپیئن شپ کے مقابلہ میں بھارتی ٹیم کی نمائندگی کی، جس میں ویمنس جونیئر شوٹنگ کے زمرے میں بھارت کو دوسرا مقام حاصل ہوا جبکہ اریبہ نے اس مقابلہ میں انفرادی طور پر پانچواں مقام حاصل کیا۔
اے ایم یو میں بی اے فائن آرٹس کی تعلیم حاصل کر رہی اریبہ خان اب 2024 میں منعقد ہونے والے اولمپک میں شرکت کی تیاری کر رہی ہیں۔ جس کے لیے وہ روزانہ پانچ سے چھ گھنٹے مشق کرتی ہیں۔
شوٹنگ کے تعلق سے اریبہ خان نے بتایا کہ وہ اپنے والد اور بھائی سے متاثر ہوکر سنہ 2013 میں مشق شروع کی۔ ان کے والد محمد خالد خان بھی ایک نیشنل شوٹر ہیں۔ انہوں نے مزید کہا کہ' انہیں بچپن سے ہی شوٹنگ کا شوق تھا۔'
اریبہ خان نے بتایا شوٹنگ ایک مہنگا کھیل ہے، جو حکومت کی مدد کے بغیر مشکل ہے۔
انہوں نے کہا کہ' مشق کے دوران شوٹنگ میں شارٹ گن (بیریٹا گن) کا استعمال ہوتا ہے جو بارہ بور کی ہوتی ہے۔ جس کے ایک دانے کی قیمت تقریبا 40 سے 45 روپے ہوتی ہے۔ ایک دن کی مشق میں تقریبا دو سو سے ڈھائی سو دانے کا استعمال ہوتا ہے۔ اس سلسلے میں انہوں نے حکومت سے مدد کی بھی اپیل کی۔
انہوں نے کہا کہ' وہ فی الحال 26 نومبر سے دہلی میں منعقد ہونے والی نیشنل چیمپئن شپ کی تیاریاں کر رہی ہیں۔