Birmingham Commonwealth Games: چوٹ کے سبب نیرج چوپڑا کامن ویلتھ گیمز سے باہر

بھارتی اتھلیٹ نیرج چوپڑا برمنگھم کامن ویلتھ گیمز 2022 سے باہر ہو گئے ہیں۔ وہ فٹ نہیں ہیں کیونکہ وہ ورلڈ ایتھلیٹک چیمپئن شپ 2022 کے فائنل میں زخمی ہو گئے تھے۔ Neeraj Chopra out of Commonwealth Games

ٹوکیو اولمپک تمغہ فاتح بھارتی اتھلیٹ نیرج چوپڑا برمنگھم کامن ویلتھ گیمز 2022 سے باہر ہو گئے ہیں۔ نیرج چوپڑا زخمی ہیں اس لیے انہوں نے اپنا نام واپس لے لیا ہے۔ برمنگھم کامن ویلتھ گیمز 28 جولائی سے شروع ہونی ہے۔ Injured Neeraj Chopra out of Birmingham Commonwealth Games 2022

نیرج چوپڑا نے حال ہی میں 18ویں عالمی ایتھلیٹکس چیمپئن شپ کے جیولن تھرو کے فائنل میں چاندی کا تمغہ جیتا تھا، توقع کی جارہی تھی کہ وہ کامن ویلتھ گیمز میں بھی تاریخ رقم کریں گے لیکن فٹ نہیں ہونے کی وجہ سے باہر ہو گئے ہیں۔ انڈین اولمپک ایسوسی ایشن کے سکریٹری جنرل راجیو مہتا نے یہ اطلاع دی۔

واضح رہے کہ ورلڈ ایتھلیٹکس چیمپئن شپ 2022 کے مردوں کے جیولن تھرو ایونٹ میں ٹوکیو اولمپک تمغہ فاتح بھارتی اتھلیٹ نیرج چوپڑا نے سلور میڈل جیتا تھا۔ انہوں نے 88.13 میٹر کی دوری تک بھالا پھینک کر یہ میڈل جیتا۔ نیرج چوپڑا کا مقابلہ گریناڈا کے اینڈرسن پیٹرز سے تھا۔ اینڈرسن نے طلائی تمغہ جیتا۔ اینڈرسن پیٹرز نے 90.46 میٹر کی بہترین کوشش کے ساتھ گولڈ میڈل جیتا۔ Neeraj Chopra wins silver in World Athletics Championships