ٹیبل ٹینس میں بھارت کو طلائی تمغہ

دولت مشترکہ ٹیبل ٹینس چیمپیئن شپ میں بھارت کے جی ساتھیان اور ارچنا کامتھ کی جوڑی نے مکسڈ ڈبلز فائنل میں سنگاپور کی جوڑی کو شکست دے کر طلائی تمغے پر قبضہ کیا۔

جواہر لال نہرو اسٹیڈیم میں کھیلے گئے 21 ویں دولت مشترکہ ٹیبل ٹینس کے فائنل میں بھارتی جوڑی نے سنگاپور کے پینگ یو ان اور گوئی روئی زوآن کی جوڑی کو 0-3 ست شکست دے کر طلائی تمغہ اپنے نام کیا۔

جی ساتھیان اور ارچنا کامتھ

بھارتی جوڑی پورے میچ میں سنگاپور کی جوڑی پر حاوی رہی اور انہیں ایک بھی گیم جیتنے نہیں دیا۔

اس جیت کے ساتھ ساتھیان اور ارچنا نے شرت کمل اور شریجا اکولا کی ہار کا بدلہ لے لیا ہے جنھیں سنگاپور کی اسی جوڑی نے سیمی فائنل میں شکست دی تھی۔