تھاپا کے حریف مکے باز قزاخستان کے ذاکر سیفولن سیمی فائنل میں پیشانی پر لگی چوٹ کے سبب رنگ میں نہیں اترے اور شیوا نے واک اوور ملتے ہی طلائی تمغہ جیت لیا۔
شیوا کا رواں برس یہ دوسرا طلائی کا تمغہ ہے، انہوں نے اس برس کے شروع میں انڈیا اوپن میں بھی طلائی تمغہ حاصل کیا تھا۔
اس کے علاوہ خاتون مکے باز پروین نے 60 کلو گرام زمرے میں چاندی کا تمغہ جیتا ہے۔
بھارت نے اس ٹورنامنٹ میں ایک طلائی، ایک چاندی اور دو کانسے کے تمغے جیتے ہیں۔
اس ٹورنامنٹ میں شیوا تھاپا کا یہ پہلا تمغہ ہے۔
انیس سالہ پروین نے سیمی فائنل میں ورلڈ چیمپیئن میں کانسے کا تمغہ جیتنے والی کرینا ابراگیمووا کو 3-2 سے شکست دی تھی لیکن فائنل میں انہیں قزاخستان کی ریما وولو سینکو سے 5-0 سے شکست کے بعد چاندی کے تمغے پر اکتفا کرنا پڑا۔
اس کے علاوہ دھریودھن سنگھ نیگی کو سیمی فائنل میں قزاخستان کے شیکین لتگت سے 4-1 اور سویٹو کو 75 کلوگرام میں روس کی ایلینا گوپے شینا سے شکست کا سامنا کرنا پڑا اور انہیں کانسے کے تمغے پر اکتفا کرنا پڑا۔
