AFC U20 Asian Cup بھارت نے انڈونیشیا کو شکست دے کر ایشین کپ کی طرف قدم بڑھایا

اے ایف سی انڈر 20 ایشیائی کپ کوالیفائر میچ میں بھارتی انڈر 20 خواتین کی فٹ بال ٹیم نے انڈونیشیا کو چھ صفر سے شکست دے دی۔ بھارت کی جانب سے نیہا اور سمتی کماری نے دو دو گول کیے۔ India Under 20 Womens team Beat Indonesia

ویت ٹری سٹی:بھارتی انڈر 20 خواتین کی فٹ بال ٹیم نے جمعرات کو اے ایف سی انڈر 20 ایشیائی کپ کوالیفائر میچ میں انڈونیشیا کو چھ صفر سے شکست دے کر ٹورنامنٹ میں اپنی مسلسل دوسری جیت درج کی۔ ویت ٹرائی اسٹیڈیم میں کھیلے گئے گروپ ایف کے یک طرفہ میچ میں میمول راکی ​​کی ٹیم یعنی بھارتی ٹیم نے دونوں ہاف میں تین تین گول کرکے اپنا دبدبہ برقرار رکھا ۔ نیہا (4ویں، 21ویں منٹ) اور سُمتی کماری (74ویں، 90+1) نے ہندوستان کے لیے دو دو گول کیے، جبکہ کاجول ڈیسوزا (45ویں) اور اپورنا (56ویں) نے ایک ایک گول کیا۔ بھارتی ٹیم جس نے پچھلے میچ میں سنگاپور کو 7-0 سے شکست دی تھی، وہ چھ پوائنٹس کے ساتھ گروپ ٹیبل میں سرفہرست ہے۔

بھارت کا اگلا مقابلہ ہفتہ کو میزبان ویتنام سے ہوگا۔ گروپ مرحلے کے اختتام پر ٹیبل میں سرفہرست رہنے والی ٹیم دوسرے مرحلے کے لیے کوالیفائی کرے گی، جو جون 2023 میں منعقد ہوگا۔ گزشتہ میچ کی طرح بھارتی ٹیم شروع سے ہی حاوی رہی اور مخالف ٹیم کو کوئی موقع نہیں دیا۔ میمول راکی ​​کی کوچنگ والی بھارتی ٹیم نے دونوں ہاف میں تین تین گول کئے۔ انڈیا انڈر 20 ویمنز الیون: انشیکا، پورنیما کماری، ہیمم شلکی دیوی (90ویں منٹ میں ساہینہ متبادل)، اشتم اوراون، لشم بابینا دیوی (78ویں منٹ میں تانیہ کانتی متبادل)، کاجول ڈی سوزا، انیتا کماری ( موسمی مرمو متبادل 78ویں منٹ میں)، نیہا (متبادل سمتی کماری، 64ویں منٹ)، شبھانگی سنگھ، نیتو لنڈا (متبادل شیلجہ، 90ویں منٹ)، اپرنا نارجری۔

یو این آئی