اولمپک میں تمغہ جیت کر ملک کا نام روشن کرنے والے باکسر وجیندر سنگھ بھی کسانوں کی حمایت میں آگے آئے اور سِنگھو بارڈر پر ان سے ملاقات کی۔
زرعی قوانین کی واپسی کے مطالبے پر دہلی۔ہریانہ بارڈر پر احتجاج کر رہے کسانوں کو وجیندر سنگھ کی بھی حمایت حاصل ہوگئی ہے۔
وجیندر سنگھ نے اپنے خطاب میں کہا کہ اگر حکومت زرعی قوانین کو واپس نہیں لیتی ہے تو وہ اپنا راجیو گاندھی کھیل رتن ایوارڈ واپس کر دیں گے۔
واضح رہے کہ اس سے قبل پنجاب کے سابق وزیراعلیٰ پرکاش سنگھ بادل بھی کسانوں کی حمایت میں پدم شری واپس کر چکے ہیں۔
سِنگھو بارڈر(دہلی،ہریانہ بارڈر) پر گزشتہ 11 دنوں سے کسانوں کا احتجاج جاری ہے، ان کا مطالبہ ہے کہ مرکزی حکومت زرعی قوانین واپس لے۔
اس معاملے میں حکومت اور کسان تنظیموں کے مابین میٹنگز کے پانچ دور ہوچکے ہیں لیکن کوئی بھی حتمی فیصلہ نہیں ہوا اور کسانوں نے 8 دسمبر کو بھارت بند کا اعلان کیا ہے۔
حکومت اور کسانوں کے مابین بات چیت کا چھٹا دور 9 دسمبر کو دوپہر 12 بجے شروع ہوگا۔