'کھیلو انڈیا یوتھ گیمز کی میزبانی کے لیے شکریہ'

ہریانہ کے وزیر مملکت برائے کھیل سندیپ سنگھ نے مرکزی وزیر کھیل اور نوجوانوں کے امور کرن رجیجو اور مرکزی حکومت کا ہریانہ کو کھیلو انڈیا یوتھ گیمز کے چوتھے ایڈیشن کی میزبانی دینے پر شکریہ ادا کیا ہے۔

ریاست ہریانہ کے وزیر مملکت برائے کھیل اور نوجوانوں کے امور سندیپ نے کہا کہ کھیلوں کی میزبانی کا سہرا وزیر اعلی ریاست منوہر لال کھٹر کو جاتا ہے جن کی کوششوں نے اسے ممکن بنایا ہے۔

کھیلو انڈیا یوتھ گیمز

انہوں نے کہا کہ ان کھیلوں کا انعقاد ضلع پنچکولہ میں کیا جائے گا جس کا مقصد ملک بھر میں کھیلوں کو فروغ دینا ہے اور نئی صلاحیتوں کو ڈھونڈنا اور اسے تیار کرنا ہے۔ یہ ایونٹ ریاست کے کھلاڑیوں کو اپنی صلاحیتوں کو ظاہر کرنے کا موقع فراہم کرے گا۔

انہوں نے کہا کہ ریاست کی کھیلوں کی پالیسی کے تحت کھلاڑیوں کو کئی سہولتیں میسر ہیں جیسے نقد مراعات دینے والی رقم اور ملازمتوں میں ریزرویشن۔ کھیلوں کی بہترین پالیسی کے سبب ہریانہ ملک میں کھیلوں کے ایک معروف مرکز کے طور پر ابھر رہا ہے۔ وزیر اعلی کی کوشش ہے کہ ریاست کے کھلاڑی بین الاقوامی سطح پر اپنی شناخت بنائیں اور ملک کا نام روشن کریں۔