FIFA President جیانی انفینٹینو تیسری بار فیفا کے صدر بنے

جیانی انفینٹینو کو بین الاقوامی فٹ بال فیڈریشن کے صدر کے طور پر دوبارہ منتخب کیا گیا ہے۔ ان کی مدت 2027 تک ہوگی۔ واضح رہے 2026کے فیفا ورلڈ کپ میں ٹیموں کی تعداد 32 سے بڑھ کر 48 کردی گئی ہے۔ Gianni Infantino re elected as FIFA President

کیگالی: جیانی انفینٹینو کو جمعرات کو متفقہ طور پر بین الاقوامی فٹ بال فیڈریشن (فیفا) کا مسلسل تیسری بار صدر منتخب کر لیا گیا۔ انفینٹینو کی مخالفت کے لیے کوئی امیدوار کھڑا نہیں ہوا۔ جیانی انفینٹینو کو فیفا کے زیر اہتمام منعقدہ ایک کانفرنس میں بلا مقابلہ صدر منتخب کر لیا گیا۔ اس کے ساتھ وہ 2027 تک فیفا کے صدر بنے رہیں گے۔ سال 2016 میں سیپ بلیٹر کی جگہ لینے والے 52 سالہ انفینٹینو کو 211 رکنی کنفیڈریشنز کے نمائندوں نے متفقہ طور پر چار سال پہلے کی طرح تیسری مدت کے لیے منتخب کیا تھا۔

انفینٹینو نے یہاں کانفرنس میں موجود مندوبین کو بتایا "میں آپ سب سے پیار کرتا ہوں،" ۔ فیفا کے قانون کے مطابق کوئی شخص صرف تین چار سال کی تین مدت کے لیے صدر رہ سکتا ہے، حالانکہ انفینٹینو 2031 تک اپنے عہدے پر رہنے کا ارادہ پہلے ہی واضح کر چکے ہیں۔ انہوں نے دسمبر میں اعلان کیا کہ ان کے پہلے تین سال مکمل مدت کے طور پر شمار نہیں ہوں گے۔ اہم بات یہ ہے کہ انفینٹینو کے دور میں خواتین اور مردوں کے ورلڈ کپ میں توسیع ہوئی ہے جس کی وجہ سے فیفا کی آمدنی میں بھی بہت زیادہ اضافہ ہوا ہے۔

2026 میں شمالی امریکہ میں ہونے والے مردوں کے ورلڈ کپ میں ٹیموں کی تعداد 32 سے بڑھ کر 48 کردی گئی ہے، جبکہ رواں سال کے آخر میں آسٹریلیا اور نیوزی لینڈ میں ہونے والے خواتین کے ورلڈ کپ میں پہلی بار 32 ٹیمیں حصہ لیں گی۔ جبکہ قومی ٹیموں کو مردوں اور خواتین کے ورلڈ کپ کے لیے کوالیفائی کرنے کے زیادہ مواقع ملے۔ اس دوران انہیں یورپی فٹ بال حکام کی مخالفت کا بھی سامنا کرنا پڑا۔ انفینٹینونے 2026 میں ختم ہونے والے چار سالہ دور میں 1100 ملین ڈالر کی تخمینی آمدنی کا بھی اعلان کیا ہے، جبکہ فیفا نے 2022 میں 7500 ملین ڈالر کی کمائی کی تھی۔

یو این آئی