FIFA Lifts Suspension of AIFF فیفا نے اے آئی ایف ایف سے عائد پابندی ہٹائی، انڈر 17 ویمنز ورلڈ کپ بھارت میں ہی ہوگا

فیفا نے آل انڈیا فٹ بال فیڈریشن (اے آئی ایف ایف) پر عائد پابندی ہٹا دی ہے۔ اس کے علاوہ فیفا نے بھارت کو دوبارہ انڈر 17 ویمنز ورلڈ کپ 2022 کی میزبانی بھی سونپ دی ہے۔ FIFA lifts ban on AIFF, decks cleared for India to host women's U-17 World Cup

نئی دہلی: عالمی فٹ بال کی گورننگ باڈی فیفا نے آل انڈیا فٹ بال فیڈریشن (اے آئی ایف ایف) پر عائد پابندی ہٹادی ہے۔ اسی کے فیفا نے بھارت کو دوبارہ انڈر 17 ویمنز ورلڈ کپ 2022 کی میزبانی بھی سونپ دی ہے۔ فیفا نے یہ فیصلہ AIFF ایگزیکٹو کمیٹی کے روزمرہ کے معاملات پر مکمل کنٹرول کرنے کے بعد لیا ہے۔ فیفا اور ایشین فٹ بال فیڈریشن (اے ایف سی) اے آئی ایف ایف میں صورتحال کی نگرانی جاری رکھیں گے اور وقت پر انتخابات کے انعقاد میں اے آئی ایف ایف کی حمایت کریں گے۔ FIFA lifts ban on AIFF, decks cleared for India to host women's U-17 World Cup

فیفا نے اپنے بیان میں کہاکہ "کونسل نے AIFF کی معطلی کو فوری طور پر 25 اگست سے ہٹانے کا فیصلہ کیا ہے۔ اب فیفا انڈر 17 ویمنز ورلڈ کپ 11 سے 30 اکتوبر تک بھارت میں پرانے پلان کے مطابق منعقد کیا جا سکتا ہے۔ یہ فیصلہ اے آئی ایف ایف کے معاملات کو چلانے کے لیے مقرر کردہ تین رکنی منتظمین کی کمیٹی کی برخاستگی اور ایسوسی ایشن کے روزمرہ کے امور پر اے آئی ایف ایف انتظامیہ کے مکمل کنٹرول کی تصدیق کے بعد آیا ہے۔

واضح رہے کہ سپریم کورٹ نے پیر کے روز آل انڈیا فٹ بال فیڈریشن (اے آئی ایف ایف) کے کام کاج کو چلانے والی تین رکنی کمیٹی (سی او اے) کو تحلیل کرنے کا حکم دیا۔ عدالت نے حکم دیا تھا کہ اے آئی ایف ایف کے روزمرہ کے معاملات کو قائم مقام جنرل سکریٹری سنبھالیں گے۔ اس کے علاوہ عدالت نے اے آئی ایف ایف کی ایگزیکٹو کمیٹی کی تشکیل کا بھی فیصلہ کیا تھا۔

بتادیں کہ فیفا نے تیسرے فریق کی مداخلت کا حوالہ دیتے ہوئے 16 اگست کو AIFF پر پابندی لگا دی تھی، فیفا نے کہا تھا یہ فیفا کے قوانین کی سنگین خلاف ورزی ہے۔ فیفا کی جانب سے پابندی ہٹائے جانے کے بعد اب فیفا انڈر 17 ویمنز ورلڈ کپ 2022، جو 11 سے 30 اکتوبر 2022 تک منعقد ہونا ہے، پرانے شیڈول کے مطابق بھارت میں منعقد ہوگا۔ یہ ٹورنامنٹ بھارتی فٹ بال کے لیے سنگ میل ثابت ہو سکتا ہے۔

اب اے آئی ایف ایف کے انتخاب کے لیے نئی ووٹر لسٹ میں ریاستوں اور مرکز کے زیر انتظام علاقوں کے 36 نمائندے شامل کیے جائیں گے اور کھلاڑیوں کو اس میں جگہ نہیں ملے گی۔ غور طلب ہے کہ جب 3 اگست کو سپریم کورٹ کے حکم میں 36 فٹ بال کھلاڑیوں کو الیکشن کے لیے الیکٹورل کالج میں شامل کرنے کی ہدایت کی گئی تھی، تب ہی فیفا نے تیسرے فریق کی مداخلت سمجھتے ہوئے AIFF پر پابندی لگا دی تھی۔