Fifa World Cup قطر میں فٹبال ورلڈ کپ کی جعلی ٹرافیاں پکڑی گئیں

قطر میں فٹبال ورلڈ کپ کا آغاز رواں ماہ 20 نومبر سے ہوگا تاہم دنیا کے سب سے مقبول ترین کھیل کے عالمی کپ کے آغاز سے قبل بڑی تعداد میں جعلی ٹرافیاں پکڑی گئی ہیں۔Fifa World Cup

دوحہ:غیر ملکی میڈیا رپورٹ کے مطابق دوحہ میں انتظامیہ نے خفیہ اطلاع ملنے پر کارروائی کرکے فٹبال ورلڈ کپ کی 144 جعلی ٹرافیاں ضبط کرلی ہیں۔Fake Fifa World Cup Fake Trophy Found In Doha In Qatar

اس حوالے سے قطر کے وزارت داخلہ کے حکام کا کہنا ہے کہ ہمیں اطلاع ملی کہ ایک ویب سائٹ فٹبال ورلڈ کپ کی جعلی ٹرافیاں بنا کر فروخت کر رہی ہے، اس خفیہ اطلاع پر متعلقہ اداروں نے کامیاب چھاپہ مار کر بڑی تعداد میں سنہرے رنگ کی جعلی ٹرافیاں ضبط کرلیں جن کی تعداد 144 بتائی جاتی ہے۔

قطری وزارت داخلہ کی جانب سے کارروائی میں ضبط کی گئی ٹرافیوں کی تصویر بھی سوشل میڈیا پر جاری کردی ہے جس میں ایک فرش پر فٹبال ورلڈ کپ کی ان جعلی ٹرافیوں کو رکھے دیکھا جاسکتا ہے۔

وزارت داخلہ نے اس آپریشن کے حوالے سے تفصیلات بتانے سے گریز کرتے ہوئے یہ نہیں بتایا کہ ٹرافیاں کہاں سے ملی ہیں اور نہ ہی اس کارروائی کے دوران کسی مشتبہ فرد یا افراد کی گرفتاری کے حوالے سے کوئی آگاہی دی گئی ہے۔

واضح رہے کہ دنیا کے سب سے مقبول کھیل فٹبال کے عالمی کپ کا آغاز قطر میں رواں ماہ 20 نومبر سے ہوگا اور افتتاحی میچ میزبان قطر اور ایکواڈور کے مابین کھیلا جائے گا۔Fake Fifa World Cup Trophy Found In Doha In Qatar