Ben Stokes in ODI انگلینڈ کو ورلڈ کپ کیلئے اسٹوکس سے ون ڈے ریٹائرمنٹ واپس لینے کی امید

انگلینڈ کے کوچ میتھیو موٹ نے کہا کہ ٹیسٹ کپتان بین اسٹوکس کا ون ڈے اسکواڈ میں بھرپور طریقے سے خیر مقدم کیا جائے گا-Ben Stokes in ODI

لندن: کرکٹ انگلینڈ کو امید ہے کہ اگلے برس ہونے والے ورلڈ کپ میں ٹائٹل کا دفاع کرنے کے لیے مایہ ناز آل راؤنڈر بین اسٹوکس ایک روزہ طرز کرکٹ سے ریٹائرمنٹ واپس لینے پر غور کریں گے۔England hope to recall Stokes ODI retirement for World Cup

غیر ملکی خبر رساں ایجنسی کے مطابق مایہ ناز آل راؤنڈر نے حالیہ ٹی 20 ورلڈکپ میں پاکستان کے خلاف انگلینڈ کی جیت میں اہم کردار کیا تھا، وہ جولائی کو ون ڈے کرکٹ سے ریٹائر ہوگئے تھے، اور کہا تھا کہ درحقیقت میں اس طرز میں اپنا 100 فیصد نہیں دے پا رہا تھا اور اب تینوں فارمیٹس میرے لیے غیریقینی کا باعث ہیں۔England hope to recall Stokes ODI retirement for World Cup

ڈان کی نیوز کے مطابق انگلینڈ کے کوچ میتھیو موٹ نے کہا کہ ٹیسٹ کپتان بین اسٹوکس کا ون ڈے اسکواڈ میں بھرپور طریقے سے خیر مقدم کیا جائے گا۔میتھیو موٹ نے میڈیا کو بتایا کہ جب انہوں (بین اسٹوکس) نے مجھے ون ڈے انٹرنیشنل سے ریٹائرمنٹ کے حوالے سے بات چیت کی تھی تو میں نے ان کو کہا تھا کہ آپ جو بھی فیصلہ کریں گے میں اس کی حمایت کروں گا لیکن میں نے ان کو کہا تھا کہ ریٹائرمنٹ لینا ضروری نہیں ہے، آپ کچھ وقت کے لیے 50 اوور کی کرکٹ سے دور رہ سکتے ہیں۔انگلینڈ ٹیم کے کوچ نے مزید کہا کہ میں نے انہیں (بین اسٹوکس) کو کہا تھا کہ آپ کبھی بھی ریٹائرمنٹ کا فیصلہ واپس لے سکتے ہیں، یہ ان کا فیصلہ ہے، ورلڈ کپ اگلے سال منعقد ہوگا اور اس وقت تک ہم زیادہ ٹی 20 نہیں کھیلیں گے لیکن یہ فیصلہ انہیں کرنا ہے، ہم ان سے جتنا حاصل کرسکیں اتنا زیادہ اچھا ہوگا۔

انگلینڈ نے پہلی بار 2019 میں ون ڈے انٹرنیشنل کے ورلڈکپ ٹائٹل اپنے نام کیا تھا، فائنل مقابلے کے ہیرو بھی بین اسٹوکس تھے، جنہوں نے نیوزی لینڈ کے خلاف سنسنی خیز مقابلے میں ناقابل شکست 84 رنز بنائے تھے۔

واضح رہے کہ انگلینڈ ہندوستان میں اگلے سال اکتوبر / نومبر میں کھیلے جانے والے 50 اوور کے ورلڈکپ میں ٹائٹل کا دفاع کرے گا۔

بین اسٹوکس نے ایک روزہ کرکٹ میں ڈیبیو آئرلینڈ کے خلاف 25 اگست 2011 کو ڈبلن میں کیا تھا اور 105 میچوں میں 3 سینچریوں اور 21 نصف سینچریوں کی مدد سے 2 ہزار 924 رنز بنائے اور 74 وکٹیں حاصل کیں۔

خیال رہے کہ 18 جولائی 2022 کو انگلش کپتان نے کہا تھا کہ ‘میں نے اس فارمیٹ سے کنارہ کشی کا فیصلہ کرلیا ہے، یہ میرے لیے انتہائی مشکل فیصلہ تھا کیونکہ میں اپنے ساتھیوں کے ہمراہ انگلینڈ کے لیے کھیلتے ہوئے ایک ایک لمحے سے محظوظ ہوا اور ہمارا سفر شان دار تھا’۔انہوں نے کہا کہ ‘یہ فیصلہ اس لحاظ سے مشکل نہیں تھا کہ درحقیقت میں اس طرز میں اپنا 100 فیصد نہیں دے پا رہا تھا اور اب تینوں فارمیٹس میرے لیے غیریقینی کا باعث ہیں’۔

یو این آئی۔