اشون دتہ اور عامر سعید کا ڈبل

ڈارک ڈان ریسنگ ٹیم کے ڈرائیور اشون دتہ اور کوٹیم کے عامر سعید نے کاری موٹر اسپیڈوے میں اتوار کو دہری جیت کے ساتھ جے کے ٹائر۔ ایف ایم ایس سی آئی نیشنل ریسنگ چیمپئن شپ کے 23ویں سیزن میں پہلے راونڈ میں اپنی چھاپ چھوڑ دی ہے۔

دتہ نے اپنے راستے میں آئے دو مواقع کو بھنایا اور فارمولہ ایل جی بی۔ 4 کلاس کی قومی چیمپئن شپ کی دو ریسوں میں ٹاپ مقام حاصل کیا۔ چنئی کے اس نوجوان ڈرائیور کے لئے دن کی شروعات حالانکہ اچھی نہیں رہی تھی۔سنیچر کو فائنل ریس میں دتہ نے جیت حاصل کی تھی لیکن احتجاج اور سرکاری آبزرویشن کے بعد پلیسنگ کو تبدیل کردیا گیا تھا۔ نئی فہرست میں اشوت دتہ12ویں مقام پر آگئے تھے ۔ نئی فہرست میں سروش کو فاتح اعلان کیا گیا تھا۔

اس سے حالانکہ دتہ کو کوئی فرق نہیں پڑا اور اس ریسر نے اتوا رکی صبح ہوئی ریس میں بغیر کسی ایکسیڈنٹ کے پہلا مقام حاصل کیا۔ اشون دتہ نے اپنی اس کارکردگی کو جاری رکھا اور دوسرے ریس میں سخت مقابلہ کے بعد جیت حاصل کی۔ دن کی آخری ریس میں اشون شاندار لے میں نظر آئے اور اس طرح انہوں نے دو دنوں میں تین جیت کے ساتھ پہلا راونڈ ختم کیا۔

آخری راونڈ میں اشون دتہ کو ایمسپورٹ کے وشنو پرساد اور رگھول رنگا سوامی سے سخت ٹکر ملی۔ ایسا محسوس ہورہا تھا کہ کوئی بھیت جیت سکتا ہے۔ مقابلہ کا دباو آگے چل رہے ڈرائیوروں پر صا ف نظر آرہا تھا۔

وشنو نے ٹرن چھ پر آگے نکلنے کی کوشش کی اور اس کوشش میں دتہ کی کار سے جا ٹکرائی۔ ان کے لئے ریس یہیں ختم ہوچکی تھی۔ رگھول نے اس کا فائدہ اٹھایا اور تیسری ریس میں پہلا مقام حاصل کرنے میں کامیاب رہے۔ سروش دوسرے اور سندیپ تیسرے نمبر پر رہے۔