Dravid on Lokesh Rahul دراوڑ نے راہل پر اعتماد کا اظہار کیا

ٹی 20 ورلڈ کپ کے ابتدائی مرحلے میں راہل کی کارکردگی اچھی نہیں رہی ہے۔ انہوں نے اپنی تین اننگز میں 22 رنز بنائے ہیں۔ Dravid on Lokesh Rahul

ایڈیلیڈ: ہندوستانی کرکٹ ٹیم کے کوچ راہل دراوڑ نے خراب فارم کے باوجود اپنے نام کے اوپنر لوکیش راہل پر اعتماد ظاہر کیا ہے۔

دراوڑ نے بنگلہ دیش سے مقابلے سے قبل منگل کو ایک پریس کانفرنس میں کہاکہ"ان (سخت) حالات میں شاید ہم انہیں کچھ وقت دے سکتے ہیں۔ ہم ان کی مکمل حمایت کرتے ہیں، ہمیں اس بات کی کوئی فکر نہیں ہے۔ ہم جانتے ہیں کہ جب وہ اچھا کھیلتا ہے تو وہ کیا اثر ڈال سکتا ہے۔ میں نے اسے کچھ ہفتے پہلے آسٹریلیا میں ٹاپ کلاس بولنگ کے خلاف دیکھا تھا۔ مجھے کوئی شک نہیں کہ ہمارے لیے کون اوپننگ کرنے والا ہے۔‘‘

ٹی 20 ورلڈ کپ کے ابتدائی مرحلے میں راہل کی کارکردگی اچھی نہیں رہی ہے۔ انہوں نے اپنی تین اننگز میں 22 رنز بنائے ہیں۔ راہل نے ٹورنامنٹ میں داخل ہونے سے پہلے پانچ ٹی 20 انٹرنیشنل میچوں میں تین نصف سنچریاں اسکور کی تھیں۔ انہوں نے آسٹریلیا کے خلاف وارم اپ میچ میں بھی 57 رنز بنائے لیکن وہ بڑے اسٹیج پر اپنی کارکردگی کو برقرار نہیں رکھ سکے۔

کوچ دراوڑ نے کہاکہ ’’میرے خیال میں وہ ایک شاندار کھلاڑی ہے۔ انہوں نے اچھی کارکردگی سے خود کو ثابت کیا ہے۔ مجھے لگتا ہے کہ وہ شاندار بلے بازی کر رہا ہے۔ یہ چیزیں 20-20 اوور کے کھیل میں ہو سکتی ہیں۔ یہ ٹورنامنٹ اوپنرز کے لیے بھی چیلنجنگ رہا ہے۔

انہوں نے کہاکہ “بس امید ہے کہ اگلے تین سے چار میچوں میں یہ چیزیں ہمارے مفاد میں کام کریں گی۔ ہم جانتے ہیں کہ اس کا معیار اور قابلیت، حالات اور پچ اس کے مطابق ہیں۔ ان حالات میں اس کا بیک فٹ گیم ضروری ہے۔ ہم نیٹ میں ان کی کارکردگی سے بہت پراعتماد اور خوش ہیں۔‘‘

یواین آئی۔