باکسنگ فیڈریشن آف انڈیا کا الیکشن ملتوی

باکسنگ فیڈریشن آف انڈیا (بی ایف آئی) کے آئندہ انتخابات سکیورٹی خدشات اور کورونا کی وجہ سے ملتوی کردیئے گئے ہیں۔

بی ایف آئی کے انتخابات ستمبر میں ہونے والے تھے لیکن کورونا کی وجہ سے اسے ملتوی کردیا گیا تھا۔ حال ہی میں انتخابات کے لیے نئی تاریخ کا اعلان بھی کیا گیا۔ انتخابات اور بی ایف آئی کی سالانہ جنرل میٹنگ 18 دسمبر کو ہریانہ کے گروگرام میں ہونی تھی لیکن کورونا کی وجہ سے اس انتخابات کو ایک بار پھر ملتوی کردیا گیا۔

باکسنگ فیدریشن کی جانب سے جاری کردہ بیان کے مطابق بی ایف آئی کی ریاستی یونِٹس نے کورونا کی وجہ سے حفاظت کے بارے میں تشویش کا اظہار کیا تھا۔ بیشتر ممبر ریاستی انجمنوں نے انتخابات کے لیے الیکشن افسر راجیش ٹنڈن کو خط لکھا اور کورونا کے خطرے کا حوالہ دیتے ہوئے انتخابات ملتوی کرنے کی درخواست کی تھی۔

ووٹنگ کرنے والے کافی ممبران کی عمر 60 برس سے زیادہ ہے اور وہ کورونا کے خطرے کے دائرے میں آتے ہیں۔

الیکشن آفیسر نے بی ایف آئی کو خط لکھ کر انتخابات ملتوی کرنے کی سفارش کی تھی۔ 32 ریاستی انجمنوں میں سے 23 نے انتخابات کو ملتوی کرنے کی اپیل کی۔ انڈین اولمپک ایسوسی ایشن (آئی اواے) نے بھی انتخابات ملتوی کرنے کی منظوری دے دی ہے۔

واضح رہے کہ اس سے قبل ایک دیگر نیشنل اسپورٹس فیڈریشن کے سینیئر افسر فیڈریشن کے انتخابی عمل میں حصہ لینے دہلی آئے تھے اور کورونا سے متاثر ہونے کی وجہ سے ان کا انتقال ہو گیا تھا۔