بجرنگ، دیپک اور روی کے لیے نئے کوچ

بھارتی کشتی فیڈریشن نے عالمی چیمپیئن شپ میں تمغہ جیتنے والے پہلوان بجرنگ پونیا، روی کمار اور دیپک پونیا کے لیے غیر ملکی کوچ مقرر کیا ہے۔

کشتی فیڈریشن نے شاكو بینٹی نیڈس کو دوبارہ بجرنگ پونیا کا کوچ مقرر کیا ہے جبکہ بیجنگ اولمپک کے سلور تمغہ فاتح مراد گیداروو کو روی کمار اور دیپک پونیا کا کوچ مقرر کیا گیا ہے۔

عالمی چیمپیئن شپ میں کانسے کا تمغہ فاتح بجرنگ پونیا کے اصرار پر فیڈریشن نے جارجیا کے بینٹی نیڈس کو دوبارہ واپس لانے کا فیصلہ كيا۔

واضح رہے کہ بینٹی نیڈس کی رہنمائی میں بجرنگ پونیا 65 کلوگرام فری اسٹائل زمرے میں نمبر ایک رینکنگ پر پہنچے تھے۔

نور سلطان میں ہونے والی عالمی چیمپیئن شپ میں دیپک پونیا نے 86 کلوگرام فری اسٹائل زمرے میں چاندی اور روی کمار نے 57 فری اسٹائل کلوگرام میں کانسہ کا تمغہ جیتا تھا۔