دہلی حکومت کی جانب سے تیاگراج اسٹیڈیم میں منعقدہ اسٹیٹ ٹیچر ایوارڈ تقریب میں کھو کھو کوچ سمت بھاٹیہ کو آج منیش سسودیا نے 'بہترین کوچ ایوارڈ' کی ٹرافی سے نوازا ہے۔
سمیت بھاٹیہ دہلی اسپورٹس برانچ میں کوچ ہیں۔ سمت کا جی جی ایس ایس ایس نمبر 3 بدرپور میں ایک مرکز ہے، جہاں وہ بدر پور اور جنوبی دہلی کے بچوں کو کھو کھو کی تربیت دیتے ہیں۔
وہ بین الاقوامی کھو کھو کھلاڑی پروین نشا کو بھی کوچنگ دے چکے ہیں۔ 2016 میں نشا نے نائب کپتان کی حیثیت سے 12 ویں جنوبی ایشیائی کھو کھو میں بھارت کے لیے طلائی تمغہ جیتا تھا۔
وہیں 2016 میں سمیت کو ڈی اے وی سیکٹر 37 میں تیسری ایشیائی کھو کھو چیمپئن شپ کے لیے بھارتی خواتین ٹیم کا کوچ مقرر کیا گیا تھا۔ ٹیم نے بعد میں طلائی تمغہ جیتا تھا۔ وہ چوتھی ایشین کھو کھو چیمپئن شپ میں بھی بھارتی خواتین ٹیم کے کوچ تھے، لیکن ایونٹ کوویڈ 19 کی وجہ سے ملتوی ہوگیا۔
مزید پڑھیں:
اعزاز حاصل کرنے کے بعد سمت نے دہلی کے نائب وزیر اعلیٰ منیش سسودیا، آشا اگروال ڈی ڈی ای اسپورٹس، کا شکریہ ادا کیا۔ انہوں نے کھو کھو فیڈریشن آف انڈیا (کے کے ایف آئی) کے صدر سدھانشو متل اور جنرل سکریٹری ایم ایس تیاگی کا بھی شکریہ ادا کیا۔ انہوں نے امید ظاہر کی کہ دیسی کھیل کھو کھو ملک اور بیرون ملک میں نئی بلندیاں حاصل کرے گا۔
