انڈونیشیا کے دارالحکومت جکارتہ کے جی بی کے ایرینا میں کھیلے گئے اس میچ میں بھارت نے راج کمار پال کے گول کی بدولت جاپان کو شکست دی۔ راج کمار نے پہلے ہی کوارٹر میں میچ کا واحد گول کر کے بھارت کو برتری دلادی تھی۔ اس کے علاوہ جاپان کو سات اور بھارت کو دو پنالٹی کارنر ملے لیکن کوئی بھی ٹیم انہیں گول میں تبدیل نہ کر سکی۔ India Win Bronze Medal
میچ کے آخری منٹ میں بھارت نے صرف 10 کھلاڑیوں کے ساتھ کھیلتے ہوئے بھی ایشیا کپ کا اپنا دوسرا کانسے کا تمغہ جیت لیا۔ بھارت اور جاپان کے درمیان گروپ مرحلے کے میچ میں جاپان نے 5-2 سے جیت حاصل کی تھی لیکن بیریندر لاکڑا کی ٹیم نے پچھلے میچ کو پیچھے چھوڑتے ہوئے پہلے کوارٹر کی زرودارشروعات کی۔ بھارت کے لیے منجیت نے بائیں فلینک سے حملہ کرتے ہوئے پہلا گول کرنے کی کوشش کی لیکن جاپان نے کسی طرح سےاپنا دفاع کیا۔ Asia Cup Hockey