ممبئی: ہندوستان کے سابق آف اسپنر ہربھجن سنگھ کا ماننا ہے کہ تیز گیند باز ارشدیپ سنگھ اور اسپنر یوزویندر چہل کو ورلڈ کپ کے لئے منتخب ہندوستانی ٹیم میں جگہ ملنی چاہئے تھی۔
ہربھجن نے کہاکہ "میرے خیال میں ہندوستان کے ورلڈ کپ اسکواڈ سے دو کھلاڑی غائب ہیں، یوزویندر چہل اور ارشدیپ سنگھ۔ اگر بائیں ہاتھ کا تیز گیند باز نئی گیند کو اندر لا سکتا ہے تو یہ کھیل میں کارآمد ثابت ہوتا ہے۔ اگر وہ کھیل کے آغاز میں دو وکٹیں حاصل کر سکتا ہے تو میں یہ نہیں کہہ رہا ہوں کہ دائیں ہاتھ کے بلے باز ایسا نہیں کر سکتے، لیکن بائیں ہاتھ کے تیز گیند باز وکٹیں حاصل کرنے کے لیے حقیقی زاویہ حاصل کر سکتے ہیں۔"
اپنی رائے کو مزید مستحکم کرتے ہوئے انہوں نے کہا کہ "آپ دیکھ سکتے ہیں کہ شاہین شاہ آفریدی یا مچل اسٹارک اپنی ٹیم کے حق میں کھیل کا رخ موڑ سکتے ہیں۔ جب آسٹریلیا نے ورلڈ کپ جیتا تو مچل اسٹارک نے کھیل پر بڑا اثر ڈالا۔ برینڈن میک کولم پہلی گیند پر آؤٹ، اس رفتار سے آنے والی گیند کو دائیں ہاتھ کے بلے باز کے پاس آنا ہمیشہ مشکل ہوتا ہے۔
انہوں نے کہا کہ یوزویندر چہل ایک ثابت شدہ میچ وننگ باؤلر ہیں، ایسا باؤلر جس نے کسی بھی اسپنر سے زیادہ وکٹیں حاصل کی ہیں۔ اگر وہ کسی دوسرے ملک کے لیے کھیل رہا ہوتا تو مجھے لگتا ہے کہ وہ ہمیشہ پلیئنگ الیون میں ہوتا۔ لیکن اتنا ثابت کرنے کے بعد بھی اس کے نام پر توجہ نہ دینا حیرت کا باعث بنتا ہے۔ میرے خیال میں اسے ٹیم میں ہونا چاہیے تھا۔ اگر میں انتظامیہ کا حصہ ہوتا تو میں اسے ٹیم میں ضرور رکھتا۔ ہم سبھی ہندوستانی کرکٹ کے اسٹیک ہولڈر ہیں اور ہم چاہتے ہیں کہ ہندوستانی کرکٹ ٹیم اچھی کارکردگی دکھائے۔ تو پھر یہ دونوں لڑکے ورلڈ کپ میں بہت کارآمد ثابت ہو سکتے تھے اور خاص طور پر ان حالات میں جہاں وہ جانتے ہیں کہ کیا کرنا ہے اور وکٹ کیسے لینا ہے۔"
یہ بھی پڑھیں: یوزویندر چہل کینٹ کے لیے گیند بازی کریں گے
ہربھجن نے کہا کہ ہم نے دو لیفٹ آرم اسپنرز کا انتخاب کیا ہے جو ایک ہی میچ میں ایک ساتھ نہیں کھیلیں گے، لیکن جڈیجہ اور چہل ایک ہی میچ میں ایک ساتھ کھیل سکتے ہیں اور اگر ہمیں بہت سے بائیں ہاتھ والوں کا سامنا کرنا پڑتا ہے تو ہمیں کسی ایسے شخص کی ضرورت ہے جو گیند کو باہر بھی گھما سکے۔ تو میری رائے میں یوزویندر چہل اور ارشدیپ کو ٹیم میں ہونا چاہیے تھا اور اس سے لوگوں میں کافی بحث ہوگی۔
یواین آئی۔
