نوجوان بھارتی خاتون پہلوان انشو ملک نے جمعرات کےروز ورلڈ ریسلنگ چیمپئن شپ میں 57 کلوگرام خواتین فری اسٹائل کشتی میں چاندی کا تمغہ جیتا۔ جب کہ امریکہ کی ہیلن مارولٹس نے 3.59 منٹ تک جاری رہنے والے سونے کے تمغے کے مقابلے میں انشو کو شکست دے کر طلائی تمغہ جیتا۔
انشو نے چاندی کا تمغہ جیت کر نہ صرف پوڈیم (ٹاپ تھری) کے ساتھ مہم ختم کی، بلکہ تاریخ رقم کی۔ دراصل وہ اس چیمپئن شپ میں چاندی کا تمغہ جیتنے والی پہلی بھارتی خاتون بن گئی ہیں۔
عالمی چیمپئن شپ کے فائنل میں جگہ بنانے والی بھارت کی پہلی خاتون پہلوان بنیں 20 سالہ انشونے مقابلے میں جارحانہ اور مثبت انداز میں آغاز کیا، لیکن آخرمیں مخالف پہلوان نے انہیں شکست دے دی۔ انشو پہلے راؤنڈ کے بعد 1-0 سے آگے تھیں، لیکن دوسرے راؤنڈ میں ہیلن پوری طرح حاوی رہیں۔ امریکی پہلوان نے انشو کا ہاتھ پکڑا اور پھر ٹیک ڈاون موو کے ساتھ 2-1 کی برتری حاصل کر لی۔ اس درمیان انہوں نے انشو کے دائیں ہاتھ کو نہیں چھوڑا اور مزید دو پوائنٹس کے ساتھ 4-1 سے آگے ہوگئیں۔