Rohan Bopanna آل انڈیا ٹینس ایسوسی ایشن نے بوپنا کو اعزاز سے نوازا

آل انڈیا ٹینس ایسوسی ایشن (اے آئی ٹی اے) نے ملک کے اسٹار کھلاڑی روہن بوپنا کو اعزاز سے نوازا۔اس موقع پر شاندار تقریب کا اہتمام کیا گیا جس میں موجودہ اور سابق ٹینس اسٹار کھلاڑی موجود تھے۔

لکھنؤ: آل انڈیا ٹینس ایسوسی ایشن (اے آئی ٹی اے) نے ملک کے اسٹار کھلاڑی روہن بوپنا کو اعزاز سے نوازا۔ بوپنا ہفتہ اور اتوار کو لکھنؤ کے گومتی نگر کے وجینت کھنڈ منی اسٹیڈیم میں ورلڈ گروپ-2 کے پلے آف میں مراکش کے خلاف اپنا الوداعی میچ کھیلیں گے۔

ہندوستانی 43 سالہ تجربہ کار کھلاڑی نے گزشتہ ہفتے ایک نئی تاریخ رقم کی جب وہ یو ایس اوپن میں گرینڈ سلیم ڈبلز فائنل میں حصہ لینے والے سب سے معمر کھلاڑی بن گئے۔

اعزازی تقریب میں اے آئی ٹی اے کے صدر انیل جین، ہندوستان کے ڈیوس کپ کپتان روہت راجپال جو ہندوستانی اولمپک ایسوسی ایشن کی ایگزیکٹو کمیٹی کے رکن بھی ہیں، اے آئی ٹی اے کے جنرل سکریٹری انیل دھوپر اور اے آئی ٹی اے کے دیگر عہدیداروں نے شرکت کی۔ پروقار تقریب میں مراکش کے کھلاڑی بھی موجود تھے۔

یہ میچ دور درشن اسپورٹس اور سونی اسپورٹس نیٹ ورک پر براہ راست نشر کیے جائیں گے۔اس موقع پر شاندار تقریب کا اہتمام کیا گیا جس میں موجودہ اور سابق ٹینس اسٹار کھلاڑی موجود تھے۔غور طلب ہے کہ گزشتہ روز ہی ستمبر سے یہاں مراکش کے خلاف شروع ہونے والے ڈیوس کپ ورلڈ گروپ-2 کے میچ کے لیے ہندوستانی ٹیم کا جمعرات کو اعلان کیا گیا۔

ہندوستان کے نان پلیئنگ کپتان روہت راجپال نے صحافیوں کو بتایا کہ ہندوستانی ٹیم میں ملک کے ٹاپ رینکنگ سنگلز کھلاڑی سمیت ناگل اور تجربہ کار روہن بوپنا کے علاوہ ششی کمار مکند، دگ وجے پرتاپ سنگھ اور یوکی بھامبری کو شامل کیا گیا ہے۔