بھارتی خواتین ہاکی ٹیم کو ایک رینک کا فائدہ

ایف آئی ایچ کی جانب سے جاری کی گئی تازہ رینکنگ کے مطابق بھارتی مردوں کی ہاکی ٹیم پانچویں رینک پر برقرار ہے جبکہ بھارتی خواتین کی ہاکی ٹیم نویں مقام پر پہنچ گئی ہے۔

اتوار کے روز جاری کی گئی ایف آئی ایچ کی تازہ رینکنگ میں بھارتی مردوں کی ہاکی ٹیم پانچویں مقام پر برقرار ہے جبکہ خواتین کی ہاکی ٹیم کو ایک رینک کا فائدہ ہوا ہے جس کے سبب خواتین ہاکی ٹیم نویں مقام پر پہنچ گئی ہے۔

ایف آئی ایچ

یہ رینکنگ اوسیانہ کپ کے اختتام کے بعد جاری کی گئی ہے۔ اوسیانہ کپ میں آسٹریلیا کی جیت پر کوئی فرق نہیں پرا ہے، آسٹریلیائی ٹیم 2350 پوائنٹ کے ساتھ پہلے مقام پر ہے جبکہ بیلجیم دوسرے مقام پر ہے وہ بھی صرف دو پوائنٹ سے۔

یوروپی چیمپیئن شپ میں کانسے کا تمغہ جیتنے والی نیدرلینڈ کی ہاکی ٹیم تیسرے مقام پر ہے جبکہ ارجنٹینا کو چوتھا مقام حاصل ہے۔

واضح رہے کہ ایف ایچ آئی کی گزشتہ رینکنگ میں بھی بھارتی مردوں کی ہاکی ٹیم پانچویں مقام پر تھی اور موجودہ رینکنگ میں بھی ٹیم نے اپنا مقام برقرار رکھا ہے۔ اور جرمنی کی ٹیم کو رینکنگ میں چھٹے مقام پر رکھا گیا ہے۔