ہاکی ٹیم اپنے آسٹریلیائی دورے سے ملک لوٹ آئی ہے اور جلد ہی ایف ایچ آئی سیریز فائنل ٹورنامنٹ کی تیاریوں کا آغاز کرنے کے لیے قومی کیمپ میں شرکت کرے گی۔
یہ ٹورنامنٹ 6 جون سے 15 جون تک چلے گا۔
ہاکی انڈیا نے سینیئر مرد قومی کیمپ کے لیے 32 ممکنہ کھلاڑیوں کا اعلان کیا تھا جن میں 18 کھلاڑی حال ہی میں آسٹریلیا کے دورے سے وطن لوٹے ہیں اور جلد 14 دیگر کھلاڑیوں کے ساتھ کیمپ سے وابستہ ہو جائیں گے۔
آسٹریلیا کے دورے پر بھارتی ہاکی ٹیم کے کوچ گراہم ریڈ نے کہا کہ یہ دورہ انہیں کھلاڑیوں کو اچھی طرح سے سمجھنے کا اچھا موقع تھا۔
انہوں نے کہا کہ آسٹریلیا دورے کے بعد انہیں یہ بات معلوم ہوئی کہ بھارتی ٹیم آسٹریلیا کے مقابلے میں کس مقام پر ہے کیوں کہ آسٹریلیائی ٹیم بھارتی ٹیم سے کافی بہتر و مضبوط ہے۔
گراہم نے کہا کہ آسٹریلیا کا دورہ ایف آئی ایچ سیریز کے پیش نظر تیاریوں کو پرکھنے کے لیے انتہائی اہم تھا اور اس دورے کے سبب مجھے پتہ چلا کہ بھارتی کھلاڑی دنیا کی بہترین ٹیموں کے سامنے کس طرح سے کھیلتے ہیں۔
