Published : Feb 5, 2020, 7:50 PM IST
Published : Feb 5, 2020, 7:50 PM IST
|Updated : Feb 29, 2020, 7:33 AM IST
بھارت کی خواتین ہاکی ٹیم نے اولمپک چیمپئن برطانیہ کوشکست دینے کے 24گھنٹے بعد میزبان نیوزی لینڈ کو بدھ کو 0۔3سے ہراکر نیوزی لینڈ دورے کااختتام جیت کے ساتھ کیا۔
خواتین کی ٹیم نے نیوزی لینڈ دورے میں اپنا پہلا میچ میزبان کی ڈیولپمنٹ ٹیم سے 0۔4سے جیتاتھالیکن اسے نیوزی لینڈ کی قومی ٹیم سے دوسرا میچ 2۔1سے اور تیسرا مقابلہ 1۔0سے گنوانا پڑاتھا۔
بھارتی ٹیم نے دورے کے چوتھے مقابلہ میں موجودہ اولمپک چیمپئن برطانیہ کو ایک گول سے ہرایا اور پانچویں میچ میں نیوزی لینڈ کو 0۔3سے زبردست شکست دی ۔
بھارت کی شاندار جیت میں اسٹرائیکر نونیت کور نے 45ویں اور 58ویں منٹ میں دوگول کیے جبکہ ٹیم کا ایک اور گول شرمیلا نے 54ویں منٹ میں کیا۔چیف کوچ شوورڈ مرینے نے اس دورے میں ٹیم کی کاردکردگی پر اطمینان ظاہر کیا ۔
نیوزی لینڈ کے دورے سے بھارتی ہاکی ٹیم آئندہ 7فروری کو وطن واپس آئے گی ۔