نہرو ہاکی سب جونیئر بوائز ٹورنامنٹ

میجر دھیان چند نیشنل اسٹیڈیم میں نہرو ہاکی سوسائٹی کے زیر اہتمام 37 واں سب جونیئر بوائز ٹورنامنٹ کا فائنل مقابلہ آج کھیلا جائے گا۔

دارالحکومت دہلی میں 37 واں سب جونیئر بوائز ٹورنامنٹ کا فائنل مقابلے کے لیے بھوپال اور اڈیشہ کی ٹاون گورنمنٹ ہائی اسکول کی ٹیمیں میدان میں اتریں گی۔ جبکہ تیسری اور چوتھی پوزیشن کے لیے جی ایس ایس اسپورٹس کالج لکھنؤ اور سی آر زیڈ سینئر سیکنڈری اسکول (سونی پت) کی ٹیمیں آمنے سامنے ہوں گی۔

واضح رہے کہ پہلے سیمی فائنل مقابلہ میں بھوپال کے ٹیم نے جی جی ایس اسپورٹس کالج لکھنؤ کو جبکہ دوسرے سیمی فائنل میں ٹاؤن اسکول سندر گڑھ نے سی آر زیڈ اسکول ہریانہ کو شکست دی۔

یہ ٹورنامنٹ گزشتہ 17 اکتوبر کو شروع ہوا اور اس ٹورنامنٹ کا فائنل آج ہوگا۔ فاتح ٹیموں کو انعام دےکر ان کی حوصلہ افزائی کی جائے گی۔

اسکولی سطح پر ہاکی کو فروغ دینے کے لیے تین دہائیوں سےنہرو ہاکی ٹورنامنٹ مختلف زمروں میں منعقد کرایا جاتا ہے۔ جس میں اسکولوں کی ٹیمیں حصہ لیتی ہیں اور بہترین کھیل کا مظاہرہ پیش کرتے ہیں۔

یہ ٹورنامنٹ ایک طریقے سے آگے بڑھنے کا پلیٹ فارم کا رول ادا کرتا ہے۔