بھارتی فٹ بال کپتان سنیل چھیتری نے کیا کہا؟

بھارتی فٹ بال کپتان سنیل چھیتری کا خیال ہے کہ بھارت کے نوجوانوں کو اپنا کھیل بہتر بنانے کے لئے یورپی اکیڈمیوں میں تربیت حاصل کرنے کی ضرورت ہے۔

بھارت کے بہترین فارورڈ چھیتری نے انڈین سپر لیگ کی ویب سائٹ پر کہا کہ یورپی اکادمیوں میں ٹریننگ کرنے سے بھارتی کھلاڑیوں کو بہتر لیگ میں بہتر کھلاڑیوں کے ساتھ پریکٹس کرنے کا موقع ملے گا جس سے وہ اچھے کھلاڑی بنیں گے۔

چھیتری نے کہاکہ 'میں ملک کے نوجوان کھلاڑیوں سے کافی امیدیں رکھتا ہوں۔ جب وہ 17-18 سال کے ہوں تو ان کو یورپی اکیڈمیوں میں جانے کا موقع ملے تو وہ 4-5 سال میں کافی اصلاح کر سکتے ہیں۔

ایسی اکیڈمیز میں آپ کھیل کو بہتر طریقے سے سمجھ سکتے ہیں، آپ کی تکنیک کو بہتر کر سکتے ہیں اور بہتر کھلاڑی بن سکتے ہیں'۔

بھارت کے لئے 72 بین الاقوامی گول کرنے والے چھیتری غیر ملکی اسپورٹنگ کینساس سٹی کے لئے کھیل چکے ہیں اور یہ کامیابی حاصل کرنے والے وہ پہلے بھارتی پروفیشنل کھلاڑی بنے تھے۔ وہ اسپورٹس لزبن کے لئے بھی کھیل چکے ہیں۔