بھارتی فٹبال ٹیم کے کپتان سنیل چھیتری نے گزشتہ روز انٹر کانٹی نینٹل کپ میں تاجکستان کے خلاف دو گول کئے تھے حالاںکہ بھارت یہ مقابلہ ہار گیا لیکن سنیل چھیتری کے بین الاقوامی گولز کی تعداد 70 پہنچ گئی۔
اسی کے ساتھ ہی چھیتری نے ارجنٹینا کے اسٹار فٹ بالر لیونل میسی کو پیچھے چھوڑ دیا ہے جن کے 68 بین الاقوامی گول ہیں۔
بھارت کے اسٹار فٹبال اسٹرائیکر اور کپتان سنیل چھیتری موجودہ فعال فٹبال کھلاڑیوں میں اب چھیتری سے آگے پرتگال کے کرسٹیانو رونالڈو ہیں جن کے بین الاقوامی گولز کی تعداد 88 ہے۔
انٹر کانٹی نینٹل کپ میں بھارت کا اگلا مقابلہ 13 جولائی کو شمالی کوریا سے ہوگا اور ٹورنامنٹ میں برقرار رہنے کے لیے بھارت کو یہ میچ جیتنا ضروری ہے۔
