کورونا وائرس کی وجہ سے کھیل سرگرمیاں ٹھپ ہونے کے درمیان فیفا کے صدر جيانی انفینٹینو نے جمعہ کو کہا کہ کورونا کا اثر ختم ہونے کے بعد فٹ بال پوری طرح بدل جائے گا۔
کورونا کی وجہ سے دنیا بھر میں کھیل سرگرمیاں ٹھپ پڑی ہوئی ہیں اور ایسے میں فٹ بال کے مختلف ٹورنامنٹ بھی ملتوی کئے گئے ہیں یا انہیں منسوخ کر دیا گیا ہے۔
انفینٹینو نے کہاکہ فٹ بال جلد ہی واپسی کرے گی اور جب بھی ایسا ہوگا ہم اس کا جشن منائیں گے۔اس سے ایک بات تو صاف ہے کہ فٹ بال کورونا وائرس کے بعد بدل جائے گی۔ یہ زیادہ جامع، زیادہ سماجی اور زیادہ مدد گار ہو گا۔
انہوں نے کہا کہ ہم بہتر ہوں گے، زیادہ انسانیت پسند ہوں گے اور سچے اقدار کے تئیں زیادہ سنجیدہ ہوں گے۔گزشتہ ہفتے انفینٹینو نے کہا تھا کہ یہ کھیل کو بہتر بنانے کا صحیح وقت ہے۔
انہوں نے مشورہ دیا تھا کہ بھلے ہی کچھ ٹورنامنٹ ہوں لیکن زیادہ دلچسپ ٹورنامنٹ ہوں۔اس میں چھوٹی ٹیم ہو لیکن متوازن ٹیم ہو۔
