خواتین فیفا عالمی کپ فارمیٹ میں تبدیلی

فیفا صدر گیانی انفینٹینو نے اعلان کیا کہ سنہ 2023 میں ہونے والے خواتین فیفا ورلڈ کپ میں 32 ٹیمیں حصہ لیں گی، اور نئے فارمیٹ کے تحت آٹھ گروپ میں چار چار ٹیمیں ہوں گی۔

سنہ 2023 میں امریکہ میں منعقد ہونے والے 9 ویں خواتین فیفا عالمی کپ میں تبدیلی کی گئی ہے اور اب اس ٹورنامنٹ میں ٹیموں کی تعداد بڑھاکر 32 کر دی گئی ہے اور تمام ٹیموں کو آٹھ گروپس میں تقسیم کیا گیا جائے گا، اس سے قبل ٹورنامنٹ میں 24 ٹیمیں ہوتی تھیں۔

بشکریہ ٹویٹر

فیفا کمیٹی کے صدر گیانی انفنٹینو نے کہا کہ رواں برس فرانس میں منعقد ہونے والے خواتین فیفا عالمی کپ کا کامیاب اختتام اس بات کی گواہی دیتا ہے کہ اب خواتین فٹبال ٹیم کو مزید آگے بڑھانے کے لیے اقدام کرنے کی ضرورت ہے۔

فیفا صدر گیانی انفینٹینو

انہوں نے کہا کہ سنہ 2023 میں ہونے والے فیفا عالمی کپ میں 8 نئی ٹیموں کی شرکت سے خواتین فٹبال مزید تقویت ملے گی، اور اب دیگر ممالک بھی فیفا کوالیفائنگ میچ میں شرکت کر سکیں گے۔