ڈیوڈ بیکہم پر جرمانہ

انگلینڈ فٹبال ٹیم کے سابق کپتان ڈیوڈ بیکہم پر گاڑی چلاتے ہوئے موبائیل استعمال کرنا مہنگا پڑا۔

ڈرائیونگ کے دوران موبائیل استعمال کرنے کی پاداش میں بیکہم پر چھ ماہ تک گاڑی چلانے پر پابندی عائد کر دی گئی ہے۔

یاد رہے کہ یہ واقعہ ایک برس قبل پیش آیا تھا جس کا نتیجہ آج سامنے آّیا ہے۔

ایک مقامی شخص نے بیکہم پر الزام عائد کیا تھا کہ وہ لندن کے ویسٹ اینڈ میں گاڑی چلاتے ہوئے فون پر بات کر رہے تھے۔

ڈیوڈ بہکہم نے اپنی غلطی قبول کر لی ہے اور اب وہ چھ ماہ تک گاڑی نہیں چلا سکیں گے۔

یہ واقعہ 21 نومبر سنہ 2018 کو پیش آیا تھا۔

تفصیلات کے مطابق جنوب مغربی لندن کی بروملے مجسٹریٹ کورٹ نے ان پر چھ ماہ گاڑی چلانے سے منع تو کیا ہی ہے ساتھ ہی ساتھ ان پر 750 پونڈ کا جرمانہ بھی عائد کیا ہے۔