اپنے فزین فارورڈ رائے کرشنا کے 67 ویں منٹ میں کئے گئے گول کی مدد سے اے ٹی کے موہن بگان (اے ٹی کے ایم بی) نے جمعہ کے روز بومبولیم کے جی ایم سی اسٹیڈیم میں کھیلے گئے ہیرو انڈین سپر لیگ (آئی ایس ایل) کے ساتویں سیزن کے افتتاحی مقابلے میں کیرالہ بلاسٹرز کو 1-0 سے شکست دی۔
اے ٹی کے موہن بگان نے کیرالہ بلاسٹرز کو 1-0 سے شکست دی ایک عرصے کے بعد اے ٹی کے ایم بی کو سیزن اوپنر میں بلاسٹرز کے خلاف کامیابی حاصل ہوئی ہے۔ اس سے قبل ان دونوں ٹیمیں کے مابین تین بار سیزن اوپنر میں مقابلہ ہوا تھا۔ دو بار بلاسٹرجیت چکے تھے جبکہ ایک میچ ڈرا ہوا تھا۔ تین بار کی چیمپیئن اے ٹی کے ایم بی نے اس بار جیت کے ساتھ سیزن کا آغاز کیا۔
تاہم پہلے ہاف میں گول نہیں ہوسکا۔ بال فزیشین کے معاملے میں اس ہاف میں بلاسٹرز نے یہ بازی مارلی، لیکن پوسٹ پر زیادہ بار اے ٹی کے ایم بی نے ہاتھ آزمائے۔ 14 ویں منٹ میں مائیکل سوسئی راج کے باہر جانے سے اے ٹی کے ایم بی کو نقصان اٹھانا پڑا۔ اس ہاف میں دو یلو کارڈ دکھائے گئے تھے۔ پہلا 39 ویں منٹ میں اے ٹی کے ایم بی کے پرنے ہلدھر اور دوسرا اسی ٹیم کے اڈو گارسیا کو 42 ویں منٹ میں دکھایا گیا۔
ابتدائی 15 منٹ میں دونوں ٹیموں کی طرف سے کوئی بڑا حملہ نہیں ہوا۔ بلاسٹر دفاعی کھیل کھیل رہے تھے اور اس کا فائدہ اٹھاتے ہوئے اے ٹی کے ایم بی نے چوتھے منٹ میں ایک اچھا موقع بنایا۔ یہ موقع بائیں طرف سے اٹھائے گئے کونے پر کیا گیا تھا۔ رائے کرشنا نے فری شاٹ لیا لیکن وہ کامیاب نہیں ہوسکے۔
اسی طرح نویں منٹ میں اے ٹی کے ایم بی کے پربیر داس نے رائٹ فلانک کی جانب سے کراس شاٹ کے ذریعہ موقع بنانے کی کوشش کی لیکن وہ سیدھے کیپر کے ہاتھوں میں چلا گیا۔ مائیکل سوسئی راج نے بھی 11 ویں منٹ میں موقع بنایا لیکن وہ بھی کامیاب نہیں ہوسکے۔ مائیکل کو 12 ویں منٹ میں چوٹ لگ گئی۔ چوٹ سنگین ہے یا نہیں یہ بعد میں معلوم ہوگا لیکن مائیکل کو میدان سے باہر جانا پڑا اور اس طرح اے ٹی بی ایم بی کو 14 ویں منٹ میں سبھاشیش بوس کو میدان پر لانا پڑا۔
