لیونل میسی کی ارجنٹینا نے کوپا امریکہ چیمپیئن شپ کے فائنل میں برازیل کو 1-0 سے شکست دے کر 28 سالوں میں قومی ٹیم کو پہلا خطاب دلایا۔ وہیں سپر اسٹار لیونل میسی کا بھی یہ پہلا انٹرنیشنل ٹرافی تھا۔
ارجنٹینا کی جانب سے 22 ویں منٹ میں فائنل میچ کا واحد اور فیصلہ کن گول ڈی ماریہ نے کیا۔ فائنل میں میسی کی کارکردگی اتنی متاثر کن نہیں تھی جتنا ٹورنامنٹ کے پچھلے میچوں میں تھی، جس میں انھوں نے چار گول اسکور کیے۔
ارجنٹینا کے میچ جیتنے کے بعد برازیل کے اسٹار اسٹرائیکر نیمار اپنے پرانے دوست اور بارسلونا ٹیم کے ساتھی میسی سے ملاقات کی اور دونوں نے ایک دوسرے کو گلے لگایا اور ریو کے ماراکانا اسٹیڈیم میں لوگوں کا شکریہ ادا کیا اور میسی کی جیت کو اور بھی یادگار بنا دیا۔
ارجنٹینا کے اسٹار فارورڈ اینجل ڈی ماریہ نے میچ کے بعد کہا "حقیقت میں، میں رو بھی نہیں سکتا، کیوں کہ میں ابھی بھی یہ تصور نہیں کر پارہا ہوں کہ ہم نے کوپا امریکہ جیت لیا ہے۔ہم نے اس کا خواب دیکھا ہے، ہم اس کے لیے لڑے ہیں۔ بہت سے لوگوں نے ہمارا ساتھ نہیں دیا، بہت سے لوگوں نے ہم پر تنقید کی لیکن ہم روکے نہیں جب تک کہ جیت حاصل نہیں کرلی۔