حیدرآباد: جنوبی افریقی ٹیم اس وقت پوائنٹس ٹیبل میں دوسرے نمبر پر ہے اور جمعہ کو اس کا مقابلہ پاکستان سے ہے۔ جنوبی افریقہ 1999 کے ورلڈ کپ کے بعد سے پاکستان کے خلاف نہیں جیت سکا ہے۔ درحقیقت جنوبی افریقہ اور پاکستان 2015 اور 2019 کے ورلڈ کپ میں دو مواقع پر آمنے سامنے ہو چکے ہیں جہاں پاکستان نے دونوں مواقع پر افریقہ کو شکست دی ہے۔
2015 کے ورلڈکپ میں پاکستان نے جنوبی افریقہ کو ورلڈ کپ میں سنسنی خیز 29 رنز سے شکست دی تھی۔ 232 رنز کے تعاقب میں نیوزی لینڈ کے شہر آکلینڈ کے ایڈن پارک میں بارش سے متاثرہ میچ میں کپتان اے بی ڈی ویلیئرز کے 77 رنز کے باوجود پروٹیز ٹیم 202 رنز پر ڈھیر ہوگئی تھی۔ سہیل خان، محمد عرفان، راحت علی اور وہاب ریاض پر مشتمل پاکستان کے پیس اٹیک نے تمام 10 وکٹیں لے کر ٹیم کو فتح دلانے میں اہم کردار ادا کیا تھا۔ اس کے بعد 2019 کے ورلڈ کپ میں پاکستان کے 309 رنز جواب میں جنوبی افریقہ صرف 259 رنز ہی بنا سکا تھا۔ یہ دوسرا موقع تھا جب پاکستان نے ورلڈ کپ میں جنوبی افریقہ کو شکست دی۔