ایک ورلڈ کپ میں سب سے زیادہ وکٹیں لینے کا ریکارڈ بھارت کے نام

بھارتی تیز گیند بازوں نے اتوار کو ورلڈ کپ فائنل میں ایک یادگار کارنامہ انجام دیتے ہوئے نیا ریکارڈ اپنے نام کرلیا ہے۔ بھارتی ٹیم ورلڈ کپ کے سنگل ایڈیشن میں 98 وکٹیں لے کر سب سے زیادہ وکٹیں لینے والی ٹیم بن گئی ہے۔ پہلے یہ ریکارڈ آسٹریلیا کے نام تھا۔ World Cup 2023 Final

احمد آباد: بھارتی گیند بازوں نے ورلڈ کپ 2023 میں اپنی شاندار کارکردگی کا صلہ اس وقت ملا جب ٹیم انڈیا نے ورلڈ کپ کے ایک ایڈیشن میں سب سے زیادہ وکٹیں لینے کا ریکارڈ اپنے نام کرلیا۔ اس سے پہلے یہ ریکارڈ آسٹریلیا کے نام تھا، جنھوں نے 2007 کے ورلڈ کپ میں 97 وکٹیں لے کر ایک ریکارڈ قائم کیا تھا۔

جسپریت بمراہ اور محمد شامی کی شکل میں بھارت کی تیز رفتار گیندبازی سے اس وقت ورلڈ کپ میں تباہی مچا رہی ہے اور اپوزیشن کی بیٹنگ یونٹوں کو تہس نہس کر کے رکھ دی ہے۔ خاص طور پر محمد شامی 24 وکٹوں کے ساتھ ٹورنامنٹ میں سب سے زیادہ وکٹ لینے والے کھلاڑی ہونے کے ناطے شاندار فارم میں ہیں جن میں تین مرتبہ پانچ وکٹیں بھی شامل ہیں۔

یہ ریکارڈ ٹورنامنٹ میں بھارتی گیند بازوں کی ناقابل یقین کارکردگی کو ظاہر کرتا ہے۔اس کے علاوہ بمراہ بھی ٹورنامنٹ میں اب تک 20 وکٹیں حاصل کر چکے ہیں اور سب سے زیادہ وکٹ کے ساتھ گیند بازوں کی فہرست میں پانچویں نمبر پر ہیں۔ بھارتی ٹیم ٹورنامنٹ میں اب تک پانچ بار مخالف ٹیموں کو 200 سے کم اسکور پر آوٹ کر چکی ہے۔ رویندر جڈیجہ نے بھی 16 وکٹیں لے کر بھارتی ٹیم کی مہم میں اہم کردار ادا کیا ہے جبکہ کلدیپ نے ٹورنامنٹ میں 15 وکٹیں لینے میں کامیاب رہے ہیں۔