IPL Auction 2023 مینک اگروال کو خریدا نہ گیا تو مایوسی ہوگی، کرس گیل

کرس گیل نے کہا کہ انہیں امید ہے کہ ٹیمیں اب بھی مینک اگروال کو خریدنے کی کوشش کریں گی۔ حالانکہ گزشتہ سیزن میں انہوں نے اچھی کارکردگی نہیں دکھائی تھی لیکن وہ ایسے کھلاڑی ہیں جنہوں نے گزشتہ دو برسوں میں تبدیلی کی ہے۔

نئی دہلی:کوچی میں ہونے والی انڈین پریمیئر لیگ (آئی پی ایل) 2023 کے لیے کھلاڑیوں کی نیلامی سے قبل ویسٹ انڈیز کے سابق کپتان کرس گیل نے کہاکہ اگر مینک اگروال کو نہ منتخب کیا گیا تو انہیں مایوسی ہوگی، کیونکہ وہ شاندار بلے باز ہیں۔ اگروال کو آئی پی ایل 2022 کے لیے پنجاب کنگز کا کپتان مقرر کیا گیا تھا، فرنچائز نے انہیں 12 کروڑ روپے میں برقرار بھی رکھا تھا، لیکن کپتانی کے ساتھ اچھی بیٹنگ نہ کرنے پر انہیں بعد میں ریلیز کردیا گیا۔ انہوں نے گذشتہ سیزن کی 13 میچوں میں 16.33 کی اوسط سے صرف 196 رنز بنائے تھے۔ کپتانی کے محاذ پر اچھی کارکردگی کا مظاہرہ نہ کرنے کی وجہ سے پنجاب دس ٹیموں کے پوائنٹس ٹیبل میں چھٹے نمبر پہنچ گیا۔ نومبر میں شکھر دھون کو اگروال کی جگہ پنجاب کنگز کا کپتان بنایا گیا۔ انل کمبلے کی جگہ ٹریور بیلس کو ہیڈ کوچ بنانے کے اعلان کے بعد ٹیم نے انہیں ریلیز کر دیا۔

گیل نے کہاکہ مینک یقینی طور پر ایک بڑا کھلاڑی ہوگا۔ اگر کوئی اسے خریدتا ہے تو انہیں بہت مایوسی ہوگی، کیونکہ وہ ایک دھماکہ خیز کھلاڑی ہیں۔ انہوں نے کہاکہ وہ جانتے ہیں کہ شاید وہ تکلیف محسوس کررہے ہیں کہ انہیں بعد میں پنجاب کنگز نے برقرار نہیں رکھا۔ اس نے فرنچائز کے لیے کتنی قربانی دی ہے اور اس کے ساتھ ایسا سلوک مایوس کن ہے۔'

کرس گیل نے کہاکہ انہیں امید ہے کہ ٹیمیں اب بھی مینک اگروال کو حاصل کرنے کی کوشش کریں گی۔ حالانکہ گذشتہ سیزن میں انہوں نے اچھی کارکردگی نہ دکھائی، لیکن وہ ایسے کھلاڑی ہیں جنہوں نے گذشتہ دو برسوں میں تبدیلی کی ہے۔ گیل جنہوں نے سنہ 2018-2021 تک پنجاب کنگز کی ٹیم کا حصہ رہا ان کا خیال ہے کہ فرنچائز کو آئی پی ایل میں کامیابی کے لیے درکار مستقل مزاجی پیدا کرنے کے لیے کسی بھی قیمت پر اپنے کھلاڑیوں کی ضرورت ہے۔ سنہ 2008 میں اپنے قیام کے بعد سے پنجاب بہت کم کامیاب رہا ہے، سنہ 2014 میں رنر اپ رہا اور پہلے سیزن میں سیمی فائنل تک پہنچا۔

گیل نے مزید کہا آئی پی ایل میں ہمیشہ دباؤ رہتا ہے، اس لیے اگر آپ اس دباؤ کو محسوس کرتے ہیں تو آپ آگے بڑھیں گے۔ نیلامی سے قبل پولارڈ اور براوو نے اعلان کیا ہے کہ وہ اب آئی پی ایل میں نہیں کھیلیں گے اور کوچنگ کی ذمہ داریاں سنبھالیں گے۔ پولارڈ ممبئی انڈینز کے نئے بیٹنگ کوچ ہوں گے جب کہ براوو چنئی سپر کنگز کے بولنگ کوچ ہوں گے۔