Pakistan Fan Mimics Shah Rukh Khan پاکستانی مداح نے کی شاہ رخ خان کی خوبصورت نقالی، ویڈیو وائرل

سوشل میڈیا پر شعیب اختر کا ایک ویڈیو خوب وائرل ہورہا ہے۔ وائرل ویڈیو میں شعیب اختر کے سامنے کرکٹ کے ایک شائق اور کنگ کے فین، شاہ رخ خان کی نقل کرتے ہوئے نظر آرہے ہیں، جو تیزی سے وائرل ہورہا ہے۔ Pakistan fan mimics Shah Rukh Khan

ٹی ٹوئنٹی ورلڈ کپ 2022 کے سیمی فائنل کے لیے بھارت اور پاکستان نے کوالیفائی کرلیا ہے۔ سیمی فائنل میں بھارت کا مقابلہ انگلینڈ سے ہوگا، جب کہ پاکستان کا مقابلہ نیوزی لینڈ سے 8 نومبر کو ہوگا۔ اگر بھارت اور پاکستان سیمی فائنل میں اپنے میچ جیتنے میں کامیاب ہو جاتے ہیں تو دونوں ٹیموں کے درمیان میلبورن میں ایک بار پھر مقابلہ دیکھنے کو مل سکتا ہے۔ شائقین اور کرکٹ لیجنڈز روایتی حریف کا مقابلہ دیکھنے کے متمنی ہیں۔ دوسری جانب پاکستانی مایہ ناز بلے باز شعیب اختر نے بھی پاکستان اور بھارت کے درمیان فائنل میچ دیکھنے کے لیے دلچسپی کا ظاہر کی ہے۔ Pakistan fan mimics Shah Rukh Khan in Shoaib Akhtar's video

شعیب اختر نے سوشل میڈیا پر ایک ویڈیو شیئر کیا ہے جس میں وہ پاکستانی شائقین سے ٹیم کی کارکردگی پر بات کرتے ہوئے نظر آرہے ہیں۔ اختر کے ویڈیو میں پاکستانی شائقین کو امید ہے کہ بھارت اور پاکستان کے درمیان فائنل ہوگا اور پاکستان اس بار ٹائٹل جیتنے میں کامیاب ہوگا۔ یہی نہیں بات چیت کے دوران ایک پاکستانی مداح نے یہ بھی بتایا کہ وہ بالی ووڈ کے کنگ خان کا فین ہے۔

ایسے میں اختر نے اس شخص سے شاہ رخ خان، کنگ خان کے ڈائیلاگ بولنے کو کہا، پاکستانی شخص نے جس انداز میں شاہ رخ کی نقالی کی اسے دیکھ کر اختر دنگ رہ گئے۔ اختر کی جانب سے شیئر کیا گیا ویڈیو سوشل میڈیا پر وائرل ہو رہا ہے۔ ویڈیو شیئر کرتے ہوئے انہوں نے کیپشن میں لکھا، 'عوام کی آواز، پاکستان کرکٹ ٹیم کو مشورہ۔ اور شاہ رخ سے محبت۔ '

آپ کو بتاتے چلیں کہ سنہ 2007 کے ٹی ٹوئنٹی ورلڈ کپ میں بھارت اور پاکستان کا فائنل میں آمنا سامنا ہوا تھا، جس میں بھارت نے کامیابی حاصل کی تھی۔ اس فائنل میچ میں کنگ خان شاہ رخ خان بھی میچ دیکھنے پہنچے تھے۔ شائقین آج بھی شاہ رخ کی دھونی کے ساتھ تصویر کو نہیں بھولے۔ اب شائقین کو ایک ہی امید ہے کہ اگر ایک بار پھر بھارت اور پاکستان کے درمیان فائنل ہوتا ہے تو کیا شاہ رخ میلبورن جائیں گے۔