حیدرآباد: بھارتی کرکٹ ٹیم کے سابق کپتان وراٹ کوہلی نے سری لنکا کے خلاف تیسری ونڈے میچ میں دو ریکارڈ اپنے نام کرنے میں کامیاب رہے۔ سب سے پہلے انھوں نے سری لنکا کے ہی تجربہ کار بلے باز مہیلا جئے وردھنے کا ریکارڈ توڑا۔ کوہلی جیسے ہی تیسرے ون ڈے میں 63 رنز بنائے، ویسے ہی وہ ون ڈے میں سب سے زیادہ رنز بنانے والوں کی فہرست میں ٹاپ 5 میں پہنچ گئے۔ اس سے پہلے اس نمبر پر جئے وردھنے تھے۔ ویراٹ کوہلی نے اپنے 268 ون ڈے میچوں میں 12,751 رنز بنائے ہیں۔ ویراٹ کی اس اننگز سے پہلے مہیلا جے وردھنے ون ڈے میں سب سے زیادہ رنز بنانے والے 5ویں کھلاڑی تھے لیکن اب ویراٹ نے یہ مقام حاصل کرلیا ہے۔
ہوم گراؤنڈ میں ویراٹ کوہلی کی سب سے زیادہ سنچریاں: اس کے علاوہ ویراٹ کوہلی نے ہوم گراؤنڈ پر سب سے زیادہ سنچریاں بنانے کے معاملے میں سچن تندولکر کا ریکارڈ بھی توڑ دیا ہے۔ سچن کے نام 20 سنچریاں ہیں جبکہ کوہلی نے 21 سنچریاں بنا کر نیا ریکارڈ بنایا ہے۔ ویراٹ اب سچن کی 49 ون ڈے سنچریوں سے صرف 3 سنچریاں پیچھے ہیں۔ ویراٹ کوہلی نے اس میچ میں 110 گیندوں میں 166 رنز بنائے، جس کے ساتھ کوہلی نے اپنی 46ویں سنچری مکمل کی۔ خاص بات یہ ہے کہ انہوں نے صرف 268 ون ڈے میچوں میں اپنی 46ویں سنچری بنائی ہے۔ پہلی پوزیشن پر سچن تندولکر نے 463 میچوں میں 49 سنچریاں بنا رکھی ہیں۔ ویراٹ کوہلی اب تک 486 میچوں میں 74 بین الاقوامی سنچریاں بنا چکے ہیں۔ اب صرف سچن تندولکر ہی ان سے آگے ہیں۔ سچن کے پاس 664 میچوں میں 100 سنچریوں کا ریکارڈ ہے۔
یک روزہ میچوں میں سب سے زیادہ رنز بنانے والے کھلاڑی:
1- سچن تندولکر - 463 میچز - 18426 رنز
2- کمار سنگاکارا - 404 میچز - 14234 رنز