حیدرآباد:بھارتی ٹیم کے تیز ترین بلے باز وراٹ کوہلی اپنی بہترین کارکردگی کی وجہ سے سب کے پسندیدہ ہیں۔ کنگ کوہلی وہ کھلاڑی ہیں جو اپنی بلے بازی سے کروڑوں لوگوں کے دلوں پر راج کرتے ہیں۔ کوہلی نے اپنی بلے بازی سے ٹیم انڈیا کو کئی اہم مواقع پر جیتایا ہے۔ کوہلی میدان میں ہمیشہ نمبر ایک رہے ہیں۔ لیکن اب میدان کے باہر بھی کنگ کوہلی کا جلوہ برقرار ہے۔ گزشتہ برس 2022 کی بات کریں تو اس میں کوہلی سب سے زیادہ پسند کیے جانے والے کرکٹر رہے ہیں۔
وراٹ کوہلی کے سوشل میڈیا پر بہت زیادہ مداح ہیں۔ کوہلی کو انسٹاگرام پر 230 ملین سے زیادہ لوگ فالو کرتے ہیں۔ کنگ کوہلی کا یہ ریکارڈ کسی بھی کرکٹر میں سب سے زیادہ ہے۔ ان کی فین فالوونگ دیکھنے کے قابل ہے۔ آپ کو بتاتے چلیں کہ وراٹ کوہلی آئی پی ایل میں رائل چیلنجرز بنگلور کی طرف سے کھیلتے ہیں۔ کوہلی کی وجہ سے ان کے مداح بھی آر سی بی کو بہت پسند کرتے ہیں۔ وراٹ کوہلی کی طرح آر سی بی بھی انسٹاگرام پر سال 2022 میں دنیا کی سب سے مقبول کرکٹ ٹیم رہی ہے۔ کوہلی نے اپنے آئی پی ایل کیریئر کا آغاز RCB سے کیا۔ اس کے ساتھ ہی کنگ کوہلی اب بھی رائل چیلنجرز بنگلور کے لیے کھیلتے ہیں۔