Most Ducks for India وراٹ کوہلی نے سچن تنڈولکر کے اس ریکارڈ کی بھی برابری کر لی

آئی سی سی ورلڈ کپ 2023 کے 29ویں میچ میں انگلینڈ کے خلاف بھارتی ٹیم کے سپر اسٹار بلے باز ویراٹ کوہلی نو بال کھیلنے کے بعد صفر پر آوٹ ہوگئے۔ جس کی وجہ سے ان کے نام ایک اور ریکارڈ درج ہوگیا ہے اور وہ سب سے زیادہ مرتبہ صفر پر آوٹ ہونے کے معاملے میں سچن تنڈولکر کے ریکارڈ کی برابری کر لی ہے۔

لکھنؤ: بھارتی ٹیم کے اسٹار بلے باز ویراٹ کوہلی آئی سی سی ون ڈے ورلڈ کپ 2023 میں شاندار کارکردگی کا مظاہرہ کر رہے ہیں۔ لیکن لکھنؤ کے ایکانا کرکٹ اسٹیڈیم میں ویراٹ انگلینڈ کے خلاف بلے سے شاندار کارکردگی کا مظاہرہ نہیں کر سکے اور صفر پر آؤٹ ہو کر پویلین لوٹ گئے۔

شائقین کو امید تھی کہ کوہلی انگلینڈ کے خلاف اپنے ون ڈے کیریئر کی 49ویں سنچری اسکور کرکے سچن تنڈولکر کی 49 ون ڈے سنچریوں کی برابری کر لیں گے۔ لیکن 9 گیندیں کھیلنے کے بعد کوہلی صفر پر آؤٹ ہوگئے اور وہ سب سے زیادہ مرتبہ صفر پر آوٹ ہونے کے معاملے میں سچن تنڈولکر کے ریکارڈ کی برابری کر لی۔

ویراٹ کوہلی سچن تنڈولکر کے ساتھ مشترکہ طور پر بھارت کے پانچویں ایسے کھلاڑی بن گئے ہیں جو سب سے زیادہ بار صفر پر پویلین لوٹے ہیں۔ اس فہرست میں ظہیر خان سرفہرست ہیں۔

• ظہیر خان - 43
• ایشانت شرما - 40
• ہربھجن سنگھ - 37
• انیل کمبلے - 35
• ویراٹ کوہلی - 34
• سچن تنڈولکر - 34
• وریندر سہواگ - 31

اگر ہم بھارت کے ان بلے بازوں کی بات کریں جو سب سے زیادہ بار صفر پر آؤٹ ہوئے ہیں تو ان میں ویراٹ کوہلی سرفہرست ہیں۔ ان کے بعد سچن تنڈولکر اور وریندر سہواگ اس فہرست میں موجود ہیں۔

• ویراٹ کوہلی - 34
• سچن ٹنڈولکر - 34
• وریندر سہواگ - 31
• سورو گنگولی - 29

اس کے علاوہ ویراٹ کوہلی انگلینڈ کے خلاف اپنے کیریئر میں سب سے زیادہ بار صفر پر آؤٹ ہونے والے بلے باز ہیں۔ وہ انگلینڈ کے خلاف زیادہ سے زیادہ 11 بار صفر پر آؤٹ ہوئے ہیں۔ کن ٹیموں کے خلاف ویراٹ سب سے زیادہ مرتبہ بار صفر پر آؤٹ ہوا؟

• انگلینڈ - 11
• آسٹریلیا - 6
• ویسٹ انڈیز - 5
• سری لنکا - 4
• نیوزی لینڈ - 2
• پاکستان، آئرلینڈ، بنگلہ دیش، زمبابوے - 1