Most Searched player in asia میدان کے باہر بھی کوہلی کا جلوہ، گوگل میں سب سے زیادہ سرچ کیے جانے والے ایتھیلیٹس میں شامل

بھارتی ٹیم کے اسٹار بلے باز ویراٹ کوہلی اس وقت اپنے کیریئر کے عروج پر ہیں اور وہ آئی سی سی ورلڈ کپ میں بھی شاندار کھیل کا مظاہرہ کر رہے ہیں جس کی وجہ سے میدان میں ریکارڈز ان کے قدم چوم رہے ہیں اور میدان کے باہر بھی ویراٹ کوہلی کارنامہ انجام دے رہے ہیں۔ کوہلی ایشیا میں سب سے زیادہ گوگل پر سرچ کیے جانے والے کھلاڑی بن گئے ہیں۔ most searched Asian personality

نئی دہلی: بھارتی ٹیم کے اسٹار کرکٹر ویراٹ کوہلی کی مقبولیت کسی سے پوشیدہ نہیں ہے۔ عالمی کرکٹ میں ویراٹ کوہلی ایک ایسے کھلاڑی کا نام ہے جو نہ صرف بھارت بلکہ پوری دنیا کے لوگوں کے دلوں پر راج کرتا ہے۔ یہی وجہ ہے کہ کوہلی کا نام روزانہ کسی نہ کسی سرخی کا حصہ بنتا ہے۔کرکٹ میں ویراٹ کوہلی نے کئی عظیم کھلاڑیوں کے ریکارڈ توڑے اور کئی ریکارڈز کی برابری بھی کی۔

اب ویراٹ کوہلی نے کرکٹ کے میدان سے باہر بھی ایک کارنامہ اپنے نام کر لیا ہے۔ ویراٹ کوہلی ایشیا میں گوگل پر سب سے زیادہ سرچ کیے جانے والے ایتھلیٹ بن گئے ہیں۔ سال 2023 میں اگر گوگل پر کسی کھلاڑی کا نام ایشیا میں سب سے زیادہ سرچ کیا گیا ہے تو وہ ویراٹ کوہلی ہیں لیکن دنیا میں سب سے زیادہ سرچ کیے جانے والے کھلاڑیوں میں ویراٹ کوہلی کا نام پانچویں نمبر پر ہے۔

دنیا میں سب سے زیادہ سرچ کیے جانے والے کھلاڑیوں میں اسٹار فٹبالر کرسٹیانو رونالڈو پہلے نمبر پر ہیں۔ جسے گوگل پر 199.4 ملین بار سرچ کیا گیا۔ دوسرے نمبر پر برازیلین فٹبالر نیمار ہیں جنہیں 140.0 ملین بار سرچ کیا گیا۔ تیسرے نمبر پر میسی (104.4 ملین)، چوتھے نمبر پر امریکی باسکٹ بال کھلاڑی لیبرون جیمز (72.1 ملین) اور پانچویں نمبر پر بھارت کے اسٹار کھلاڑی ویراٹ کوہلی ہیں، جنہیں 68 ملین بار سرچ کیا گیا۔